Hemserokatîya KCDK-Ewropa derheqê kombîyişê NATO yê Brukselî de eşkerayîyêke da.
KCDK-Ewropa di eşkerayîya xo de vat:
Qerarêy ke di kombîyişê NATO de amey girotene vernîye ro qetlîamanê Erdoganî akerde..
HEMSEROKATÎYA KCDK-EWROPA:
“QERARANÊ NATO DORÊKA BÎNE VERNÎYE RO QETLÎAMANÊ ERDOGANÎ AKERDE”
Hemserokatîya KCDK-Ewropa derheqê peynînameya kombîyişê Lîderanê NATO de eşkerayîyêke bi raya pêroyî reyde barre kerde.
Eşkerayîya KCDK-Eweropa wina ya.
Bi peynînameya ke di Kombîyişê Lîderanê NATO yê Brukselî de vecîyaya orte, yeno dîyiş ke dorêka bîne sûcê Erdoganî êy Kurdistan û Rochelatê Mîyanênî ameyê bincilkerdene.
Erdogan û îqtîdarê ey ke Kurdistan û tirkîya kerdê zîndanêko serakerde, dorêka bîne ame xelatkerdene.
Erdogan û îqtîdarê ey bi doza verva HDP, wazeno îradeyê bi mîlyonan Kurdan teber sîyasetî de biverdo.
Reyna êrîşê îşgalkerî û talan û texrîbatê artêşa tirke êy Kurdistanî, nîyameyê dîyiş.
Ma zê KCDK-Ewropa veng ro şaranê Ewropa kenê ke nêy qerarê NATO, vernîye ro heme tekoşîna înşaakerdişê demorasî yê tirkîya padanê.
Nêy qerarî yenê mehneyê, domanyişê polîtîkayanê di zîndanan de mendişê bi se hezaran însanan û krîzê aborî, sîyasî û civatî, di tirkîya de.
Destekdayişê îqtîdarê AKP-MHP, hem Kurdistan û hem zî Rochelato mîyanên de yeno mehneyê vernîyeakerdişê ro bêîstîkrarîyan.
Rixmê heme protestoyanê şarê Kurdî û dostan, ney Kombîyişî di cayo ke Erdoganî û dewleta tirke polîtîkayanê qirkerdişî ra dûrî bifîno, destûr domnayişê nêy polîtîkayan ameyo dayene.
Ma veng ro şaranê Ewropa û dinya kenê ke, tekoşîna şarê Kurdî ya verva DAÎŞ’î bîyarê xo vîrî û verva ney qeraranê şaşan êy NATO, vengê xo berz bikerê.
