Hemserokê Têgêrayişê Azadî ya Komelgeya Kurdistanî Mihemd Abdullahî, di navenda partîya xo ya Silêmanîye de mijare sero, rojnamewanan rê qisey kerd.
Abdullahî vat;Nêy êrîşêy dewleta tirke seba Statûya Vaşûrê Kurdistanî talûkeyêko pîl ê û veng ro Barzanî kerd ke helwesta nîşan bido û wina dewam kerd.
Dewleta tirke tenê bi êrîşanê îşgalî nêvindena û wazena maberê Kurdan de şerrêkê xomîyanî biveco.
Xora tarîxê Şarê Kurdî zî di na mijare de, tarîxêko tarî yo.
Di Kurdsitan û hereme de persgiray est ê û Dewleta tirke wazena nêy persgirayan ra sûd bigero.
Bi no sebeb zî mexsedê dewleta tirke talankerdişê zengînîya sererd û binerdî êy Kurdistanî yo zî.
Bi hetkarîya tay hêzanê Vaşûrî di wareyê aborî, eskerî û îstîxbarî de peymanêka 50 serran ameya îmzakerdene.
Bi zextanê dewleta tirke PDK û verpesîyarê aye, şerrê xomîyanî gurr kenê.
Gere tu kes nêbo aletê nêy polîtîkayan û şerrêkê xomîyanî.
ENDAMÊ DESTEYA RAYIRBERE YA PYD ALDAR XELÎL:
“TEKOŞÎNA ŞARÊ KURDÎ NIZDÊ SERKEWTIŞÎ YA COKA ÊRÎŞAN ZÊDNENÊ”
Endamê Desteya Hemserokayîya PYD Aldar Xelîlî zî êrîşê verva Vaşûrî zê êrîşê qirkerdişî bi name kerdîy û vat;
Dewleta tirke bi hemkarîya hêzanê netewîyan nêy êrîşan domnena.
Aldar Xelîlî vat; Tekoşîna Şarê Kurdî ameya nizdê serkertişî û bi no sebeb zî êrîşî zêdîyayê.
Nêwazenê Projeyê Xoserîya demokratîke hereme de vila bibo.
Aldar Xelîlî vatiş ard helwesta PDK sero û nêy ardîy ziwan.
Gere PDK na polîtîkaya xo ra fek vera bido û nêbo aletê kayanê îşgalkeran.
Gere hêzanê xo Heremanê Pawiteyan êy Medya ra bianco.
