Navenda Resnayîş û Çapemenîya HPG derheqê şerrî verva îşgalkerîye de eşkerayîyeke barre kerd.
Bi goreye naye;
Hêzanê Pawitişê Hewayî yê Şehîd Delal Amed 13’ê Gulane, Girê Şehîd Serxwebun ya herêma Zapî de verva îşgalkeran, hewayî ra çalakîyeke rodarvistîy.
Hêzanê Pawitişê Hewayî heman roce Girê Şehîd Serdar ya herêma Avaşînî de zî verva îşgalkeran çalakî rodarvistîy.
HPG vat, di her 2 çalakîyan de bi awayoke serkewte ro îşgalkeran ame pirodayene.
ÎŞGALKERAN ÊRÎŞÊ DEWANÊ KÊSTE Û ASÛRÎ KERD
HPG: DI CEVABDAYÎŞÊ GERÎLLAYAN DE 3 ÎŞGALKERÎY AMEY KIŞTENE
HPG derheqê êrîşê verva dewanê Metîna de ney agahîy day:
“Artêşa tirke ya îşgalkere 14’ê Gulane bi helîkopteran dewanê Kêste û Asûrî ey herêma Metîna de dest bi têgêrayîşê îşgalkerîye kerd û hewl day bikewê dewan.
Hêzanê ma, îşgalkeran girewtê bin kontrolê xo û piroday.
Di na çalakîye de, bi qaso ke ame tesbîtkerdene 1 îşgalker ame cezakerdiş.
Gerîllayan saet 11’ê nêmî de verva yewîneyêka bîne ya îşgalkeran, 3 milan ra çalakîyeke kordînekerdîye rodarvistîy.
Şerrê naca 45 deqayan dewam kerd.
Bi qaso ke ame tesbîtkerdene 2 îşgalkerîy amey cezakerdiş û 1 zî dirbetin bi. ”
HPG da zanayene ke, çalakîyan ra dima îşgalkeran apey ancîyay û qada şerrî bombevaran kerd.
Dimera zî bi helîkopteran, kişteyanê xo berdê.
HPG di eşkerayîye de vat:
“Dewleta tirke îddîa kerd ke, di ney çalakîyan de 1 esker ameyo kiştiş û 2 gerîlla şehîd bîy.
La belê ney agahîy raştî nîye.
Bi qaso ke ame tesbîtkerdene, 3 îşgalkerîy amey cezakerdiş, 1 ame dirbetinkerdiş û çîyêk bi hêzanê ma nêbi.”
Reyna HPG di eşkerayîya xo de da zanayene ke,
Gerillayan 15’ê Gulane qada Qela Mamreşo ya herêma Avaşînî de, verva îşgalkeran bi çekanê giran çalakîyeke rodarvistîy.
Maberê 14 û 16’ê Gulane de zî, qada Koordîne ya herêma Metîna, qada Çemço ya herêma Zap û qada Dola Konferanse ya herêma Avaşîn amey bombevarankerdene.
