Xoverdêrîya destanî ya Gêrîllayanê HPG û YJA-Stare ya verva îşgalkeran dewam kena.
Gêrîllayê Azadîye di na xoverdêrîya tarîxî de derrbêy giranan ro îşgalkeran danê.
Navenda Resnayiş û Çapemenîya HPG derheqê, xoverdêrîye de eşkerayîyêke bi raya pêroyî reyde barre kerde.
Eşkerayî wina ya.
Artêşa dewleta îşgalkere 19’ê Çeleye mentîqaya Gilîdaxe ya Serhede de operasîyonêko verhîra dabi destpêkerdene.
Hetê hêzanê ma ra verva milêkê opresîyonî çalakîyêka sabotajî amebî rodarvistene.
Di na çalakîye de 1 îşgalker ame cezakerdene û 3 îşgalkerîy zî dirbetin bîy.
11’ê Nîsane verva gêrîllayanê YJA Stare heman mentîka de, defikêke amî pêkardene.
Gêrîllayê YJA Stare nêkewtîy defike û şerr vecîya.
Di ney şerrî de zî 2 îşgalkerîy amey cezakerdene.
26’ê Nîsane mentîkaya Hallac ya Gilîdaxe de hêzanê ma verva îşgalkeran calakîye ro dar viste.
Di na çalakîye de êy tesbîtkerdey 5 îşgalkerîy amey cezakerdene û 3 îşgalkerîy zî dirbetin bîy.
Badê çalakîye hereme bi helîkopteran amî bombevarankerdiş û cenazey amey wedartiş.
Di çarçoveya Hemleya Şoreşgere ya Cenga Xabûre de.
16’ê Gulane seetanê şanî de verva îşgalkeranê Girê Azadî yê mentîkaya Koordîne çalakîye amî rodarvistene.
Di çalakîya gêrîllayan de 2 îşgalkerîy amey cezakerdene û 3 zî dirbetin bîy.
Badê çalakîye mentîqaya Koordîne, Dişîşê û Serêro amey bombevarankerdene.
Di çarçoveya Hemleya Şoreşgere ya Bazanê Zagrosan de;
16’ê Gulane badê îşgalkeran waşt mentîqaya Dola Konferanse ya Avaşîne de bi ca bibê.
Îşgalkerîy bi çalakîyanê sûîkastî hetê gêrîllayan ra amey derrbkerdiş û yo tesbîtkerde, 1 îşgalker ame cezakeredene.
Îşgalkerîy badê derrbwerdişî neçar mendîy ke hereme ra xo biancê.
HPG derheqê êrîşanê hewayîyan de zî nêy agahî day.
16’ê Gulane bi helîkopteran Girê Serxwebûnî de hêzîy amey ronayene.
Heman roce mentîqayê Mamreşo, Mervanos, Şûke û Şehîd Dilgêşî de têgêrayişo hewayî pêk ame.
17’ê Gulane dormeyê dewa Sêdare ya Mentîkaya Meyroke ya Garê 2 dorîy bi teyareyanê şerrî amî bombevarankerdene.
