Hemserokê Konseya Rayirbere ya KCK’yî Cemîl Bayikî derheqê sîyasetê îşgalkerî û xoverdêrîya gêrîllayan sero nêy vatîy.
Ewro di Tirkîya de, êy ke verva îqtîdarê AKP-MHP tekoşîne danê, PKK, şaro Kurd û hêzêy demokrasî êy Tirkîya yê.
Seba ke di Tirkîya de faşîzm û dîktatorîye bi ser bikewê, heme hêza xo seferber kerda.
Qetlîam ra heta sirgûn û koçberkerdişî heme polîtîkay pêk ardîy.
Îqtîdarê AKP-MHP wazeno ney faşîzmî, bi ser bifîno.
Bi no sebeb zî hem zerre û hem zî teberî de, heme hiqûqî binling keno û sîyasetê şerrî dano ramitene.
Zanenê heta ke PKK yî tasfîye nêkerê, nêşikenê biresê mexsedê xo.
Bi no sebeb zî bi awayêko tewir hov Vakûr,Rojava û Vaşûrî de,êrîş kenê.
Na zî nîşan dana ke, mexsedê dewleta tirke tenê tasfîyekerdiş û çinêkerdişê PKK nê, heme şaro Kurd o.
Seba ke di nêy sîyasetê qirkerdişî de bi ser bikwê zî, gere vernî PKK bêro tasfîyekerdene.
Di şerrê 1’nî yê Cîhanî de Erman û Asûrî amey qirkerdiş, wazenê di ney şerrê 3’ine yê Cîhanî de zî Kurdan orte ra wedarê.
Yeno zanayiş, heke Kurdistan azad bibo do tirkîya bibo welatêko demokratîk û do na ro Rochelatê Mîyanênî zî tesîr bikero.
Îqtîdarê AKP-MHP, seba ke na pêk nêro “Plana Çokdayişî” viste merîyete.
Bi na plane waşt vernîy ro azadîya şarê Kurdî, şaranê Tirkîya û Rocehlatê Mîyanênî bigerê.
HEMSEROKÊ KONSEYA RAYIRBERE YA KCK’YÎ CEMÎL BAYIK:
“HEKE PKK ZEÎF BIKEWO DO HER KES ZIRARÊKO PÎL BIVÎNO”
Bayikî derheqê êrîşanê verva Zap, Metîna û Avaşîne de zî nêy vatîy.
Gere nêy êrîşîy, zê êrîşanê verênan nêrê dîyiş.
Nêy êrîşîy, zaf cîddî û talûke yê.
Gere kurdêy çar perçeyan, teberwelatî û dostîy, reyna dormeyê demokrat, şoreşger, sosyalîst û roşinvîrîy, naye wina fehm bikerê.
Heke vacê “ro gêrîlla şerr keno û derrbêy giranan ro îşgalkeran dano”, û rewşe temaşe bikerê, do bikewê xetayêka pîle.
Raşta, PKK verva îşgalkeran tekoşînêka pîle dano.
La heke PKK zeîf bikewo yan zî derrbe biwero, do her kes zirarêko pîl bivîno.
Do heme destkewtey orte ra bêrê wedartiş û şaro Kurd qirkerdişî ra, bêro derbaskerdene.
Seba biserkewtişî, gere her kes verpersîyarîya xo bi ca bîyaro.
HEMSEROKÊ KONSEYA RAYIRBERE YA KCK’YÎ CEMÎL BAYIK:
GERE HER KES HELWESTA ROJAVAYÎ XO RÊ NIMÛNE BIGERO
Hemserokê Konseya Rayirbere ya KCK’yî vatişê xo wina bi peynî kerdîy.
Şarê ma yê Rojavayî verva êrîşan, lingan sero yo.
Gere kurdêy perçeyê bînan û teber welatîy, naye nimûne bigerê.
Şarê Vakûrî, wayir çandêkê xoverdêrîye yo, gere gêrîllayî temaşe nêkero û verzo ra lingan ser.
Vaşûrê Kurdistanî di bin îşgalkerîya dewleta tirke de yo û heme destkewtey, bi talûkeyêkê pîlî reyde, ribiri yê.
Gere şar, sîyasetmedar, roşinvîr, hunermend, çapemenîye û rayvistinê sivîlîy, verva îşgalkerîye vinderê û gureyê xo bi ca bîyarê.
Xisûsî zî gere cenîy û ciwanî, şarî rê verkêşîye bikerê û her cayî de werreznê ra lingan ser.
Destê kamî ra çi yeno, gere nika bikero.
