Gerîllayanê azadîye Kurdistanî di çarçoveye Hemleya Şoreşgere ya Bazanê Zagrosan, herêma Avaşînî de derrbey giran danê artêşa tirke ya îşgalkere.
Navenda Resnayîş û Çapemenîya HPG derheqê şerrî Avaşîne de eşkerayîyeke barre kerd.
Ame zanayene ke, artêşa îşgalkere verva xoverderîya gerîllayan bêçare menda.
Û 1’ê Hezîran de 3 qadanê Avaşîne; Dola Maran, Tabura Ereban û Dola Konferanse ra game apey êştîy.
SÛCÊ ŞERRÎ YÊ DEWLETA TIRKE
HPG: DEWLETA TIRKE BI AWAYOKE ZANAYE CAYANÊ SÎVÎLAN HEDEF GÊNA
HPG di dewamîya eşkerayîye de, da zanayene ke:
Artêşa tirke ya îşgalkere tewrê heme nêrazîbîyîşê şarê Vaşurê Kurdistanî zî herêm, qad û dewanê sîvîlan hedef gênê.
Bax û bexîeyanê şarê sîvîl bi awayoke zanaye yenê bombevarankerdene.
Di heman wexte de zî îşgalkeran ney cayan de bi obus û teyyarayanê şerrî bombeyanêy ke adir vecenê reyde êrîş kenê.
Û şewatîy ke vecîyay hema zî dewam kenê.
HPG derheqê bombevaranê artêşa îşgalkere de ney agahîy day:
2’ê Hezîrane Girê Zendûra, qada Koordîne, dewanê Derarê û Deşîşê û Qela Kumrîye ya herêma Metîna bi helîkopteran amey bombevarankerdene.
Reyna qereqolanê sînore ra dewanê Kêste û Hîrore, bi obus û havanan amey bombevarankerdene.
Şewata ke erazîye de vecîya, dewam kena.
Reyna 2’ê Hezîrane Girê Zendûra ya herêma Metîna û qadê Çemço û Şamkê ya herêma Zap amey bombevarankerdene.
3’ê Hezîrane de zî qada Cîloya Qice ya herêma Zap û qada Tabura Ereban a herêma Avaşîn amey bombevarankerdene.
HPG vat, di ney bombevaranî de çîyêk bi hêzê gerîlla nêbi