Verva êrişê îşgalkerîye ey dewleta tirke ya verva Heremanê Pawiteyan ey Medya, xoverderîya gerîllayanê HPG û YJA-Star dewam kena.
Gerîllayê YJA-Star ke di çarçoveye hemleya şoreşgerî ya Cenga Xabure, di mewzîyanê vernî de şerr kenê peymanêy day.
Gerîlla Nûdan ney vatîy:
“Destpêke êrîşanê dewleta tirke ra heta nika ma verva înan bêmaber çalakî rodarfînenê û ma do dewam bikerê.
Ma bi bawerê ke, ma do bi serkewtişêke pîle abigeyrê.
Çimkê xoverderîya Gare rayirê ma roştî kena. ”
Gerîllaya YJA-Stare Rojîne zî ney ardîy ziwan:
“Ney qadîy, qadê hevalanê cinîye yê. Qadê lejvananê Apoyî yê.
Ma di heta peynî verva dişmenê xover bidê û îşgalkeran têk berê.
Ma xoverderîya rayhevalanê xo ke Heftanîn, Zap, Avaşîn û Metîna de xover danê silam kenê.”
QADÊ GERÎLLAYAN DE TÊKŞÎYIŞÊ ARTÊŞA TIRKE
GERÎLLAYÊ HPG: MA DO DIŞMENÎ POŞMAN BIKERE
Gerîllayanê HPG Dilgêş Başkale û Akîf Arîn ke hemleya şoreşgerî ya Bazanê Zagrosan de ca gênê zî qisey kerdîy.
Dilgêş Başkale vat:
“Bi na hemleye reyde, ma do dişmenê poşman bikerê ke amey Kurdistan. Heme rayhevalan giranî danê na yew.
Ez bi bawera ke ma di derrbey zaf giran bidê dişmenî.”
Gerîlla Akîf Arîn zî destnîşan kerd ke, mexsedê înan Zape de têkberdişê artêşa tirke yo û vat;
“Ez heme rayhevalan ke mewzîye şerrî de yê, silma kena.
Şerrê emserrî ya maberê ma û dişmenî do bibo fînal.
Ma do cevab bidê dişmenê şarê xo.
Ma do peynî ro tecrîdî Îmralî bîyarê û bi Rayverê xo reyde cuwîyeyeke azad awan bikerê.”