ÊRIŞKARIYA LI SER ŞENGALÊ
DELÎLA AXÎN: GELEK HÊZÊN DIN LI PIŞT VÊ PEYMANÊ NE
Çend roj berê hêzên Iraqê di çarçoveya peymana 9’ê Cotmehê de xwestin bikevin Şengalê û dest danin ser Asayîşa Êzidxanê.
Xelkê Şengalê li dijî vê hewildanê bi hemû pêkhateyên xwe ve nerazîbûn nîşan da.
Gel ji bo piştgiriyê bide Asayişa Êzdixanê û ev peymana îradeya wan tine dihesibîne ber bi konê çalakiyê ve meşiya.
Konê ku ev 102 roje li ber avahiya Asayişa Ezdîxê hatiye vedan bû navenda berxwedana gelê Şengalê.
Xelkê Şengal dijî peymana di navbera PDK û Bexdayê de hatî îmzekirin bi dirûşmeya “Em Hemû Asayiş in” çalakiya xwe didomîne.
Endamên meclîs û saziyên Şengalê jî serdana kon dikin û piştgiriya xwe ji çalageran re raber dikin.
Endama Komîteya Têkiliyên Derve ya Tevgera Azadiya Jinên Êzidî Delîla Axîn li ser lihevkirina dinavbera Bexda û PDK’ê de axivî.
Delîla Axîn destnîşankir ku ji 9’ê Cotmehê ve Iraq dixwaze peymana li ser Şengalê bicih bike.
Axîn di axaftina xwe de da diyarkirin ku ev peyman bi erêkirina gelek hêzên din ve hatiye rojevê.
