Endamê Komîteya Rayirbere yê PKK yî Duran Kalkan tewr bernamayê taybetî yê Tv Medya Habere bi û mijaranê rojdeme sero qisey kerd.
Kalkanî derheqê Pêdîyişê bi telefonî yê bi Rayver Apoyî reyde qisey kerd û vat;
“Bi adir kaye kenê. Do xeylê çîyê nêbaşîy biqewemîyê û do di adirî xo de biveşîyê.”
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“PÊDÎYIŞO PEYÊN YO BI RAYVER APOYÎ REYDE GAMÊKA ŞERRÊ TAYBETÎ BΔ
Endamê Komîteya Rayirbere ya PKK yî Dûran Kalkanî di bernameyê Taybetî yê Tv Medya Habere de mijaranê rojdeme sero qisey kerd.
Kalkan, bi awayêko verhîra tecrîd û êrîşanê verva Rayver Apoyî sero vindert û derheqê pêdîyişê peyênî êy bi telefonî reyde, nêy vatîy;
“No pêdîyiş nêbi”.
Seba ke Şarê Kurdî hêrs bikerê gamêka şerrê taybetî bî.
Di orte de xespkerdişê heqêkê hiqûqî, est o.
Bi awayêko zelal sûc kenê û hewl danê ke serê ney sûcî, bigerê.
Bi nêy hewldanan wazenê, zextanêy ke teberî ra yenê,kemî û nerm bikerê.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“GERE PERGALA ÎMRALÎ BÊRO BIPEYNÎKERDENE Û RAYVER APO AZAD BIBO”
Dûran Kalkanî vat;”gere pergala îşkenceyî ya Îmralî bêro bipeynîkerdene û Rayver Apo bi awayêko fîzîkî azad bibo” û wina dewam kerd.
Na persgira, persgirayêka ke bi telefonêke bêro çareserkerdişî, nîya.
Şar û têgêrayişê ma,heme hêzêy şoreşger û demokratîy wazenê pergale îşkenceyî ya Îmralîyî, bêro bipeynîkerdene.
Heke di Tirkîya de pergala faşîste têk şêro, do Kurdistan azad bibo û tirkîya bibo welatêko demokratîk.
Giredayeyê naye, do persgiraya Kurde çareser û Rayver Apo azad bibo.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“BI ADIR KAYE MEKERÊ, DO ÇÎYÊ NEBAŞÎY BIQEWEMÎYÊ Û ŞIMA DO NÊY ADIRÎ DE BIVEŞÎYÊ”
Dûran Kalkanî bi vatişê ” bi adir kaye mekerê, do no adir şima biveşno”, heşîyarî da û wina dewam kerd.
Xêncî Rayver Apoyî, tu kes nêşikeno aştîyêka mendeyî maberê şarê Kurdî û Tirkî de, pêk bîyaro.
Rayira teberê naye şerr o. Çi 100 serrîy, çi 500 serrîy.
Do çîyê zaf xirabîy biqewemîyê. Êy ke nayen nêvînenê, kor û bêfehm ê.
Heme merdimêy bifehmîy êy cîhanî zanenê ke, çareserîya persgirayanê Tirkîya û Rochelatê Mîyanênî, bi azadîya fîzîkî ya Rayver Apoyî reyde giredaye ya.
Bi no sebeb, o riho ke Garê de vecîya orte, 8’ê Adare de xo da teber û Newroze de resa asta tewir berze, gere heta azadîya Rayver Apoyî nêvindero, sist nêbo.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“PEY ÊRÎŞANÊ VERVA HDP DE TERSÊ RICÎYAYIŞ Û TÊKŞÎYIŞÎ EST O”
Endamê Komîteya Rayirbere ya PKK yî Dûran Kalkanî, vatiş ard êrîşanê verva HDP ser û nêy vatîy.
Pey êrîşanê verva HDP de, tersê îqtîdarî yê ricîyayiş û têkşîyişî, reyna tersê bihêzbîyişê HDP ra, est o.
Tersê HDP ra ke vana, “Ez do Tirîyeyêka demokratîke awan bikera”, est o.
Dişmentîya verva demokrasî, dişmentîya verva Kurdan û dişmentîya verva wayûbiratîya şaran est a.
Nêy êrîşî bi nêy sebeban ê.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
DI MIJARA GIRTINA HDP’Ê DE CIVAKÊ NEWROZ VEGUHERT QADA REFERANDÛMÊ
Duran Kalkanî bi vatişê “di meseleya girotişê HDP de Newroz bî referandûm”, bale ante qerardarî û wayirvecîyayiş şarî yê ro HDP ser û wina dewam kerd.
Wa tu kes endîşe nêkero ke do HDP bêro girotene û bê partî bimanê.
Her êrîşê înan Têgêrayişê Azadîye zafêrî xurt keno.
Verva ney êrîşna yew rayire est a, a zî berzkerdişê xoverdêrîye yo.
Şarîy di Newroze de an nîşan da.
