Endamê Komîteya Rayirbere ya PKK yî Duran Kalkan tewrê bernameyê Taybetî yê Tv. Medya Habere bi û mijaranê rojdeme sero qisey kerd.
Kalkanî bale ante firzkerdişanê 8’ê Adare êy cînîyan ser û vatiş ard Newroze ser.
Kalkanî vat; do bi verkêşîya cînîye cuwîyeyêko Azad û newe pêk bêro.
Adirê Newroze Garê de am tavistiş û do newroza emserrî bibo Neweroza pêkardişê azadîye.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“BI VERKÊŞÎYA CÎNÎYA AZADE, DO CIVAT Û CUWÎYEYÊKO AZAD BÊRO AWANKERDENE”
Endamê Komîteya Rayirbere ya PKK yî Dûran Kalkanî di serre de mehneyê tekoşîna 8’ê Adare seri vindert û bale ante 8’ê Adara 2020’ine ser.
Kalkanî vat;
Bi raştî zî şoreşa azadîya cînîye, bi gurme gurme yena.
Na, êdî raştîyêka cîhanî û merdimayîye ya.
Na şoreşe, tu astengîyêke nas nêkerde.
Nê tacîz û tecawizan, nê komkiştişan û Corona û nê zî faşîzm, nêşikay vernîyê ro na şoreşe bigerê.
Êdî bi verkêşîya cînîya azade, civat û cuwîyeko azad, awan beno.
Firazkerdişêy 8’ê Adare ke emser pêk amey, na raştîye raviste ver çiman.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“PKK’YÎ ZÊ PARTÎYA NEWROZE, XO REYDE ŞARÊ NEWROZE ZÎ XULIQNA”
Duran Kalkanî vatiş ard firazkerdişanê newroze ser û nêy vatîy.
PKK têgêrayişêko ke esasê ey, di newroza 1978’ine, Bendawa Çûbûke de ameyo ronayiş.
Na tekoşîna ke hetê partîya Newroze ra amî avervistene, xo reyde şarê Newroze zî xuliqna.
Êdî tu hêze, tu zilm û komkiştişîy, nêşikenê rayire ro naye, bigerê.
Verepeyê naye, bi hêrsêko pîl yê tekoşîne yena avervistene.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“ADIRÊ SERKEWTIŞÎ YÊ NEWROZE QÎLANÊ GARÊ DE AME TAVISTENE”
Duran Kalkanî, bale ante xoverdêrîya Garê ya verva îşgalkerîya dewleta tirke ser û vat;
Xisûsîyetê Garê yo tewir muhîm, adirê newroze yê 2 hezarîy û 633 serîy raverî, Garê de ame birayvistinkerdene.
Lejwananê ke Nînova de verva zilmê Dehaqî lej kerd, Garê de perwerde bîy.
Adirê serkewtişî yê Newroze, Qîlanê Garê de ame tavistene.
Ricîyayişê qesranê zaliman êy Nînova, tewir weş Garê ra ame temaşekerdene.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“TARÎX BADÊ 2 HEZARÎY Û 633 SERRAN DORÊKA BÎNE GARÊ DE XO NEWE KENO”
Endamê Komîteya Rayirbere ya PKKyî, di şexsê Kawayê Hemdemî Mazlûm Dogan de, heme şehîdê azadiyê bi vîr ardîy û wina dewam kerd;
Hemleya ke bi xoverdêrîya Mazlûm Doganî zîndanê Amede de amî destpêkerdene, ewro bi verkêşîya gêrîllayanê azadîye,koyanê Kurdistanî de yena domnayene.
Bi felsefeya Rayver Apoyî, di şexsê gêrîllayanê azadîye de, tarîx ewro dorêka bîne, xo newe keno.
Badê 2 hezarîy û 633 serîy, do dorêka bîne qesra dehaqê hemdemî Erdoganî û hemkaranê ey, bi serreyê înan de bêro ricnayene.
Ma do ney adirê serkewtişî ke Garê de ame tavistene, ro Kurdistanî û hemeyê Rochelatê Mîyanênî vila bikerê.
ENDAMÊ KOMÎTEYA RAYIRBERE YA PKK’YÎ DÛRAN KALKAN:
“MA VERVA KOMKIŞTIŞAN TEKOŞÎNA HEYFGIREWTIŞÎ RAYRABENÊ”
Endamê Komîteya Rayirbere ya PKK’yî Dûran Kalkanî vat;
Şarê Kurdî ewladê xo yê tewir erjîyayey, di oxirê na tekoşîne de day û vatişê xo wina bi peynî kerdîy.
Nêy ewladêy Şarê Kurdî bi tekoşîna xo, heyfa Helebçe, Qamîşlo û Gazîyî genê.
Na tekoşîne, bi kede,cesaret û qehremanîyêka pîle, yena domnayene.
Seba naye, ma di a bawerîye de yê ke, bi na tekoşîna heyfgirotişî ya verva komkiştişan, ma xetêka raşte sero yê.
