ÇALAKIYÊN 8’Ê ADARÊ LI BAKURÊ KURDISTAN Û TIRKIYEYÊ
DIRÛŞMA “DEM DEMA AZADIYA JINÊ YE” MOHRA XWE LI ÇALAKIYAN DA
“Hevdîtina Jinan a Mezîn”
Ev hevdîtin di çarçoveya 8’ê Adarê de her sal weke kevneşopeke li Stenbolê tê lidarxistin.
Ji her rêxistinekê jin bi reng û dengê xwe tevlî dibin.
Tevgera Jinên Azad, Meclîsa Jinan a HDP û HDK’ê jî bi dirûşma “Dem dema azadiya jinê ye” li gel erbaneyan tevlî vê çalakiya bi heybet bûn.
Bi hezaran jinî ber bi Îskeleya Kadikoyê dest bi meşeke dirêj kirin.
Jinên kurd bi dirûşma û stranên şoreşgerî careke din bersiveke xurt dan faşîzma AKP-MHP’ê.
Herwiha jinên feminîst jî bi dirûşma “Bijî 8’ê Adarê Bijî piştevaniya jinan” û ” Jin jiyan azadî” ketin qadê.”
Jin li qada Kadikoyê gihiştin hev û li vir mitîngek girseyî hat lidarxistin.
Li dijî tundiya mêr û dewletê, krîz û xizaniyê bi hezaran jin bi dirûşma “Bijî 8’ê Adarê” li Enqerê gihiştin hev.
Jin bi cil û bergên xwe herikîn qada Anitparkê.
Li Meletî , Îzmîr, Manîsa û Semsûrê jî çalakiyên jinan hebûn.
