Êrîşê PDK yê verva Şarê Kurdî, bi sebebê gunîye rişnayişî.
Şewa bîne hêzanê PDK êy bi nameyê Gulan ke raşteraşt giredayeyê Mesrûr Barzanî yê, herema Amedîye de êrîşê Gêrîllayanê HPG kerd.
Di êrîşê hêznê PDK de, 3 gêrîllay bi giranî dirbetin bîy.
PDK îxanetê xo yê verva Şarê Kurdî domnena.
Hêzanê PDK êy bi nameyê Gulan ke giredayeyê Mesrûr Barzanî yê, herema Amêdîye de êrîşê gêrîllayanê HPG kerd.
Di êrîşê hêzanê PDK de 3 gêrîllayê HPG bi giranî dirbetin bîy.
Rayirberîya PDK Vaşûrê Kurdistanî de sîyasetê Erdoganî şopnena.
Seba ke dizdî û talanê xo bidomno, seba ke qeyranê aborî,feqîrî û xizanîya Şarê Vaşûrî bincil bikero û rojdeme bivûrno, xo rê ro hincet û neyaran
geyrena.
Di wexto ke Şarê Vaşûrî bi sebebê feqîrî, xizanî û nêgirotişê heqdestê xo kewt kolanan û hikumatê PDK şermezar kerd,pêkameyişê nêy êrîş û
îxanetî, balkêş o.
Reyna, senî ke Erdogan, serê heme persgirayan bi fitneyanê hêzê teberînan a gire dano,
di wextê çalakîyanê şarî êy verva xizanî, feqîrî û nêgirotişê heqdestê xo êy karkeran de, Mesrûr Barzanî zî vatbi.
Nêy çalakîy hetê kesanêy ke teberî ra ameyê yenê rodarvistene, PKK sûcdar kerdbi û Şehgale hedef nîşan dabî.
dîmenên êrîş….
Êrîşê îxanetî yo verva Gêrlllayanê HPG, badê nêy qiseykerdişî zî balkêşîyêka bîne ya.
PDK zî bi ferasetê Erdoganî sîyaset kena.
Senî ke Erdogan Tirkîya zê malê xo vîneno û wazeno zê şîrketêkê malbate îdare bikero, Malbata Barzanîyan zî Vaşûrî zê malê xo vîneno û zê
şîrketêkê malbate îdare kena.
Bi heman awayî sîyasetê verva Şarê Kurdî êy PDK zî, zê Erdoganî sîyasetê dişmentîye yo.
Erdogan zerre de kurdan dişmen vîneno, PDK zî bi heman awayî.
Erdogan êrîşê Rojavayî keno, PDK zî heman çîyî kena.
Erdogan seba ke tekoşîna Şarê Kurdî û Hereketê Azadîye têk bero bi her kesî reyde hemkarîye keno,PDK zî seba naye bi tirkîya û Îraqî reyde.
Erdogan êrîşê Rojavayî, Mexmûre û Şengale keno, PDK zî Rojava, Şengale û Mexmûre de sîyasetê Erdoganî rayir ra bena.
PDK di Îşgalkerî û êrîşanê hewayîyan êy dewleta tirke êy Vaşûrî de, ke heta nika bi desan welatîyê Vaşûrî êy sivîlî ameyê qetilkerdiş, di cayo ke
nêy êrîşan şermezar bikero, êrîşanê tirkîya rewa vînena û hêzêka kurde ya bîne sûcdar kena.
Di nêy êrîşanê dewleta tirke êy serra 2015’ine ra na heta de, 97 welatijê Vaşûrî ke di bin ewleyîya Hikumatê PDK de yê amey qetilkerdene 100’î
zêdêrî kesîy dirbetin bîy.
PDK verva nêy qetilkerdişan bi tu awayî nêrazîbîyiş nîşan nêda û nêrazîbîyişê şarî zî bi êrîşan tepesnay.
Tenê maberê serra 2019 û 2020’ine de bi êrîşanê hewayîyan êy dewleta tirke 20 welatijîy amey qetilkerdene.
Reyna PDK Vaşûrê Kurdistanî kerd cayê baregehanê eskerî êy dewleta tirke.
Ewro tewir tay 40 baregehê eskerî êy dewleta tirke Vaşûr de ameyê awankerdene
Vaşûrê Kurdistanî bi cayê cirîtê MÎT’ê dewleta tirke.
Bi hemkarîya MÎT’î û PDK xeylê kadroyê PKK amey şehîdkerdene.
Reyna di êrîşanê dewleta tirke êy hewayîyan de 126 dewê Vaşûrî amey vengkerdiş û 500 dewîy zî di bin tehdîtî de yê.
Rayirberanê KCK û PKK yî bi doran eşkerayî day ke êy nêwazenê bi hêzêka kurde reyde şerr bikerê û veng ro PDK kerd ke ma persgirayan bi
rayira dîyalogî çareser bikerê la PDK bi vatişêko bîn malbata Barzanîyan seba ameyîya malbata xo şarê Kurdî kena qurbanê polîtîkayanê
qirkerdişî êy dewleta tirke.
