Weke ku di dîmenan de xuya dike, leşkerên Tirk ên dagirker li hemberî tunelên şer ên li qada berxwedanê ya Werxelê destpêkê makîneyeke şewatê bi kar tînin. Piştre jî bi vê makîneyê gazên bi jehr diavêjin hundir.
Li eyaleta Avaşînê, gerîla çar meh in li qadên Werxelê û Girê Sor li ber xwe dide. Çar meh, ne hêsan e! Ne demeke ku tenê bi bilêvkirinê diqede. Her roj û kêliya çar mehan, ne em dikarin vebêjin ne jî dikarin binivîsînin. Bêxew, dest li ser tetîkê, li nobeda berxwedanê, berxwedana li dijî gazên kîmyewî, şerê bênavber ê çar mehan.
Berxwedana li qadên berxwedanê yên Werxelê û Girê Sor ji asta berxwedêrî û îradeya mirovan derbas kiriye. Çawa dibe ku mirovek dikare çar mehan li hemberî gazên kîmyewî û teqemeniyên giran li ber xwe bide? Çiqasî mirov dikare li hemberî vê li ber xwe bide? Dilên ji pola yên li Werxelê û Girê Sor li ber xwe didin, îradeya Apoyî ye. Naxwe ne ji armanc û îdeolojiyeke mezin be ne çar mehan mirov nikare rojekê jî li hemberî vê hovîtiyê li ber xwe bide… Gerîlayên li qadên berxwedanê yên li qadên Werxelê û Girê Sor, ew berxwedêr in ku kêliyên niha li rûpelên dîrokê nivîsandine. Gelo dîrokeke çawa ye ku her kêlî bi xwînê, xwêdanê bi îradeyeke awarte tê nivîsandin. Berxwedêrên Werxelê bi vê gotinê mohra xwe li dîrokê dixin: “Bi vê îradeyê em ê heta dawiya emrê xwe li ber xwe bidin.”
BERXWEDANA LI DIJÎ ÊRIŞA KÎMYEWÎ
Sibeha 2’ê Îlonê artêşa Tirk a dagirker li dijî gerîlayên li tunelên şer ên Werxelê li ber xwe didin, dest bi bikaranîna çekên kîmyewî kir û 7 caran gaza bi jehr û kîmyewî bi kar anî. Piştî her hewldana ku nekarî encamê bi dest bixe, rêje û cûreyê gazên kîmyewî guhert. Di roja 90’î ya berxwedanê de jî nekarîn bi gerîlayên li qada berxwedanê ya Werxelê. Tabloya wan du rojên şer wiha bû; Destpêkê êrişeke giran li seranserê tunelên şer ên Werxelê hate kirin. Piştî êrişa bi obus û hawanan a ji qereqolên li ser sînor, bi balafirên şer bi tonan bombe li devê tunelan hatin barandin. Danê êvarê jî helîkopterên êrişê ketin dewrê. Lê belê ji ber ku nizm difiriyan, hêzên gerîla li wan xistin. Ji ber vê yekê jî liv û tevgera helîkopteran bi giranî hate pûçkirin. Yanî hêzên gerîla dema ku li helîkopteran xistin, neçar man ji herêmê biçin. Ev êriş heta serê sibehê bi navberê dewam dike. Danê sibehê jî destpêkê bi teqemeniyan êrişê dewam dikin û piştre jî bi çekên di asta navîn de timî gule tên reşandin. li vir jî çekên kîmyewî yên bi taybetî amade kiribûn dixin dewrê. Kincên taybet û maskeyên gazê bi xwe ve dikin û berê xwe didin çeperên şer. Piştre jî gulereşandinê disekinînin û dest bi bikaranîna gazên kîmyewî dikin. Gelek caran gerîla gazên kîmyewî li leşkeran vedigerînin. Gerîla gelek caran bi tedbîrên cuda xwe diparêzin.
Weke ku di dîmenan de xuya dike, leşkerên Tirk ên dagirker li hemberî tunelên şer ên li qada berxwedanê ya Werxelê destpêkê makîneyeke şewatê bi kar tînin. Piştre jî bi vê makîneyê gazên bi jehr diavêjin hundir. Piştî demeke kurt gerîlayên li tunelên şer ên Werxelê li ber xwe didin, bi rê û rêbazên xwe, gazên kîmyewî derdixin derve. Leşkerên Tirk ên dagirker ên li ber devê tunelê jî ku maskeyên gazê xistine ser rûyê xwe dema ku gaz derdikeve derve, yekser vedigerin.
3’ê Îlona 2021’ê jî gerîlayên YJA Starê yên li herêma Avaşînê ji du baskan ve li leşkerên li vê qadê dixin û xwe berdidin nava dagirkeran. Di vê çalakiyê de 5 leşker tên kuştin. Leşkerên Tirk piştî rojekê ji bo tola kuştiyên xwe hilînin careke din êrişî qadên berxwedanê yên Werxelê dikin. 4’ê Îlonê 17 caran êrişê dibin ser qada berxwedanê ya Werxelê. Piştî ku ev êriş hemû ji aliyê hêzên gerîla ve hatin têkbirin, dewleta Tirk piştre careke din li kiryarên derveyî mirovahiyê vedigerin û bi bombardûmanên kîmyewî yên giran êrişên xwe dewam dikin.
