Polîtîkayê qirkerdişê sipêyî, êy dewleta tirke êy verva çand, kamî û îtîqadê Elewîyan dewam keno.
Dewanê Dersime de badê viraştişê camîyan nika zî qereqolan ra azad deyeno wendiş.
Na rewşe bi zîyareta Walîyê Dersime yê dewa Muxundî ya Mêzgîrte dest pê kerd û nika dewêy bînan de zî yeno vilakerdene.
Dewan de hoperloranê qereqolan ra azan deyeno wendene.
Şarê Dersime naye zê bêrêzîya verva îtîqadê Elewîtîye reyde bêrêzîya verva dînê îslamî zî bi name keno.
Serokanê Komelayanê Demokratîkan êy Elewîyan ê Şûbeyanê Îzmîrî Nebahat Çelîke, Zeynel Bozkurt û Pîrê Ocaxa Qureyşan Hamza Takmazî nêrazîbîyiş nîşanê rewşe da û vat.
Na rewşe nîşaneyê domnayişê polîtîkayanê asîmîlasîyonî-qirkerdişê sipêyî ya.
Hemseroka DAD’e ya Îzmîrî Nebahat Çelîke nêy vatîy.
Heta vizêrî dewanê Elewîyan de camîy viraştê ewro zî qereqolan ra azan danê wendiş.
Reyna bi destê terîqetan wazenê polîtîkayanê asîmîlasîyonî bidomê.
Di nêy kerdenanê xo de tenê yê Elewîyan nê rizaya sûnîyan zî nêgenê.
Na verva Elewîtî û Dînê Îslamî zî bêrêzî ya.
Gere Elewî bi awayêko pêroyî verva na polîtîkaya qilêrine vengê xo berz bikerê.
Yan nê do dewamê nînan zî bêro.
Pîrê Ocaxa Qureyşan Hamza Takmazî zî wina vat;
No tenê domnayişê polîtîkayanê asîmîlasîyonî nê bêrêzîya verva çand, îtîqad û kamîya Dersime ya.
Qereqolan cayê Mektebanê Îmam Hatîban girot o.
Gelo gureyê qereqolan no yo.
Hemserokê DAD’e yê Şûbeya Îzmîrî Zeynel Bozkurtî zî serdemê derrbeya 12’ê Îlone vist vîrî û vat;
O wext zî walîyê Evrenî 5 hezarîy domanê Dersime şirawitîy Îmam Xetîban.
Îtîya de nêrazîbîyişê ma verva camîye û îbadetê sûnîyan nê verva polîtîkayanê asîmîlasîyonî yo.
Bawerî û îtîqadêkê ma est o û gere her kes naye rê rêzdar bo.
Gere Elewî verva nêy polîtîkayan bêveng nêmanê.
