Dewleta Tirke ya faşîste, di her fersendî de verva Şarê Kurdî qetlîamê hovîy pêk ardîy.
Nêy qetlîaman ra yew zî na ra 28 serîy raver Dewa Xirabeşke ya Cizîra Şirnexe de pêk ame.
Hêzanê dewlete eşt Keyeyê Davût Elgunî ser û pitiko 8 roceyîn Murat Elgun zî mîyan de, 6 kesîy bi gulevaran qetil kerdîy.
28 serrîy na hovîtîye ser ra derbas bîy la hovîtîye amî bincilkerdiş, qatilî nîyamey cezakerdiş û edalet pêk nîyame.
Wayir keyeyî Davût Elgun seba ke a roce keye de nêbi qetlîamî ra xelesîya.
Elguno ke 5 domanîy û hemsera xo vînî kerdîbîy derheqê a roce de qisey kerd û nêy vatîy.
Roca qetlîamî eş şibîya keyeyê kênaya xo.
Bi xebera qetlîamî ez agêraya.
Derheqê qetlîamî de kesî çîke nêzanayêne.
Bînbaşîyê qereqole min ra vat; Min dayê kiştiş û vengê xo meke.
Yan nê do peynîya to zî wina bo.Min bi çimanê xo nêdî la Bînbaşî min ra wina vat.
Seba ke edalet pê bêro min serre ro her cayî da.
La edalet pêk nîyame.
Înan êy ke no qtlîam pêk ard belkî nika zî mîyanê ma de yê.
Min 4 lacîy, kênayêke û hemsera xo vînî kerdîy.
Lacêkê min hem 8 roceyîn bi.
Gelo ney wehşetî pîlêrê qetlîam est o.
Ma vacê ke lacê min bi hincetê rayvistine de yo ame kiştiş la cînî û pitiko 8 roceyîn, bi kamco heşmendî û wijdanî yenê gulevarankerdene.
Dozgerîy min ra vat vace PKK yî kerdo.
Min înan ra vat; Ez zî şima zî zanenê kamî no qetlîam pêk ardo.
Şahidan qetlîam yew bi yew qisey kerd.
La rixmê îfadeyanê şahidan zî faîlî nîyamey cezakerdene.
Min bawerîya xo ya bi edaletî, 28 serrîy raver vînî kerde.
Na cografîya de bi qetilkerdişê domanê 8 roceyînî, edalet ame çinêkerdene.
Heta nefesê xo yo peyên ez do na hovîtîye însanan rê qisey bikera.
Derheqê doze de qerarê nêşopnayişî ame dayiş û bi sebebê derbasbîyişê wextî doze amî bipeynîkerdene.
