“TIRYAKÎTIYÊ BIŞKÎNE, JIYANA NÛ AVA BIKE”
CIWAN LI ŞIRNEXÊ CIVIYAN:BI RÊXISTINBÛYÎNÊ EM Ê CIVAKÊ AZAD BIKIN
“Tiryakê bişkîne, jiyana nû ava bike”
Meclîsa Ciwanan a HDP’ê bi vê dirûşmê 10’ê Îlonê li Amedê li dijî polîtîkayên dejenerasyona ciwanan dest bi kampanyayê kir.
Her ku diçê ev kampanya mezin dibe.
Ciwanan Li kompleksa werzîşê ya li Taxa Nûrê ya Silopiyayê hatin gel hev û panelek lidarxistin.
Înîsyatîfa Dayikên Aştiyê, rêvebirên HDP’ê yên navçe û bajêr, Aktivîstên TJA û gelek ciwan tevli bûn.
Destpêka panelê, Sînevîzyona ku behsa têkoşîna ciwanan dike hat nîşandan.
Piştî sînevîzyonê Parlementerê HDP’ê Hasan Ozgunes axivî û bal kişand ser berxwedana Ciwanên kurd.
Hasan Ozgunes diyarkir ku desthilatdar ciwanên serwext wekî talûkeyê dibînin, lewma berê wan didin fuhûşê û tiryakê.
Endama TJA’yê Asûman Kulter jî lîstikên qirêj ên dewleta tirk ku bi zanebûn li dijî ciwanan didê meşandin bibîrxist.
Endamê Meclîsa Ciwanan a HDP’ê Mehmet Mîraç Dînç jî anî ziman ew ê li dijî polîtîkayên şerê taybet têbikoşin.
