Hemserokê Konseya Rayirbere ya KCK yî Cemîl Bayikî di peyama xo de nêy vatîy.
Êrîşê dewleta tirke êy verva Hermanê Pawiteyan êy Medya dewam kenê.
Gêrîllayê HPG/YJA Stare, seba pawitişê destkewteyanê Şarê Kurdî, verva nêy êrîşan bi qehremanî xo ver danê û di na xoverdêrîye de gêrîllayê şehîdîy zî est ê.
Di serre de ez gêrîllayê şehîdan bi rêzdarî bi vîr ana û heme gêrîlla û fermandarêy ke mîyanê xoverdêrîye de yê silam kena;
Bayikî wina dewam kerd;
Nêy êrîşêy dewleta tirke, bi mexsedê îşgalkerdişê Kurdistanî, tasfîyekerdişê PKK yî û qirkerdişê şarê Kurdî yê.
Rochelato Mîyanên de, Şerrê Cîhanî yê 3’ine yeno rayirberdene.
Di her şerrêkê Cîhanî de, şarêke ame çinêkerdene.
Di ney şerrî de zî, şaro Kurd ameyo hedefgirewtene.
Di ney şerrê verva Şarê Kurdî de, dewleta tirke tenê nîya û hetkar û hemkarê aye est ê.
Bayikî vat;
Gêrîllayanê HPG, gureyêko tarîxî giroto milanê xo ser û verva na îşgalkerîye û pawitişê destkewteyanê Şarê Kurdî, canê xo feda kenê.
Nêy qehremanîy ewladê şarê Kurdî yê.
Bi no sebeb kam cayî de beno wa bibo, gere Şaro Kurd ro nêy ewladanê xo êy qehremanan wayir bivecîyo û her cayî de tekoşîne berz bikero
Tenê bi ferasetê” xora gêrîlla şerr keno û derrbêy giranan ro îşgalkeran dano”, temaşekerdiş nêbeno.
Her keso ke xo ra vano ez Kurd a, welatpawêr a, şoreşger a, sosyalîst û demokrat a, gere verva nêy êrîşan di mîyanê tekoşîne de ca bigero.
Keso ke di ney wextê xoverdêrîya tarîxî de, cayê xo nêgero, gere nêro efûkerdene.
Çimkî tekoşîna ke yena dayişî, tekoşîna Kurd û Kurdistanî, tekoşîna pawitişê erjanê merdimayîye ya.
Hemserokê Konseya Rayirbere Cemîl Bayikî, vatişê Murat Karayilanî êy “Şerrê ma, şerrêko meşrû yê xopawitişî yo. Şerrê seweknayişê destkewteyanê şarê Kurdî û Kurdistanî, şerrê Demokrasî, azadî û pawitişê erjanê merdimayîye yo” vistîy vîrî û ê peyama xo wina bi peynî kerde.
Ma tewrê nêy vatişan benê û dorêka bîne veng ro heme şarê Kurdî kenê.
Verva şarê Kurdî sîyasetê qirkerdişî yeno domnayene.
Seba ameyîya şarê Kurdî û Kurdistanî, destê kamî ra çi yeno se, gere bikero û di mîyanê na xoverdêrîye de cayê xo bigero.
