Fermandaranê Qerargeha Navendî ya NPG yî ra Amed Malazgirî, di peyama xo de nêy vatîy.
Artêşa îşgalkere ya dewleta tirke 23’ê Nîsane dest bi êrîşê îşgalkerîye kerd.
Dewleta îşgalkere, di nêy êrîşî de PKK yî zê hedef nîşan dana, la di raştîye de hedefe bi temamî Vaşûrê Kurdistanî îşgalkerdiş û dime ra zî Mûsûl û Kerkûke de, bi ca bîyiş û zengînîya sererd û binerdê îtîyayî talankerdiş o.
No qerar, serra 2016’ine de ame girotene.
Dewleta îşgalkere di vernîya na plana xo de, kelemo tewir asê PKK yî û kurdê azadî, ke bi tekoşîna PKK yî ameyo xuliqnayişî, vînena.
Bi no sebeb zî bi hetkarîya teknîkî û maddî ya NATO, êrîşê şarê Kurdî û gêrîllayanê ey kena.
Gêrîllayê Azadîye, verva na îşgalkerîye xoverdêrîyêka destanî, nîşan danê.
Malazgîrî vat;
Dewleta hove, ke verva na xoverdêrîye nêşikena game bierzo, xazo kîmyewî pêk ard û tay rayhevalê ma şehîd kerdîy.
Gêrîllayê ma bi sabotaj, sûîkast û derrbkerdişî, îşgalkerêy,felc kerdê.
Xeylê kişte û dirbetinê dişmenî est ê.
Ma do rocêy ameyînan de bîlançoya pêroyî bi raya pêroyî reyde barre bikerê.
Amed Melazgirî di peynîya qiseykerdişê xo de vat;
Dişmenî destkewteyê ma êy 40 serran hedef girotê û veng ro ciwananê Kurdan kerd.
Îqtîdarê faşîstî yê dewleta îşgalkere, ney êrîşî zê şerrê estbîyiş û çinêbîyişê xo vînena û bi no sebeb zî bi heme hêza xo êrîş kena.
Gêrîllayê azadîye verva nêy êrîşî xoverdêrîyêka tarîxî nîşan danê.
Na pêvajo, pêvajoyêka tarîxî ya.
Ma zê Gêrîllayanê azadîye ke bi rihê Apoyî têgêrenê, ma do heta peynî sozê xo yê ke dayo şarê xo sero vinderê û bi tu awayî rayire nêdê îşgalkerîye û heta peynî xo ver bidê.
Di na çarçova de, ma veng ro şarê xo kenê ke verva heme sazî û dezgeyanê dewlete di mîyanê çalakîyan de bê.
Reyna ma û veng ro ciwanan kenê ke tewrê hemleya “Bazanê Zagrosan” bibê û hemleya xurt bikerê.
