Gerîlayên HPG’ê li Zapê xwe berdan nava çeperên leşkerî yên dagirkeran û ji pênc baskan ve lê dan. Di encamê de gelek dagirker hatin kuştin, gelek çek jî hatin desteserkirin. Gerîlayeke ku tevlî çalakiyê bû qala vê çalakiyê kir.
Gerîla TV dîmenên nû yên çalakiya 8-9’ê Kanûnê ya li herêma Zapê weşand.
Di dîmen de, gerîlayeke jin li ber malzemeyên leşkerî yên hatin desteserkirin qala çalakiyê dike.
Gerîlaya jin diyar kir ku heta bi du metreyan ku gerîla xwe nêzî çeperên dagirkeran kir, dagirker bi wan nehesiyan û got, “Heta ku hevrêyên me çekên ferdî û bombe bi kar neanîn, dagirker bi hevalan nehesiyan.” Hate ragihandin ku di çalakiyê de çekên termal jî hatin bikaranîn.
Navenda Ragihandin û Çapemeniyê ya HPG’ê beriya niha bi daxuyaniyekê li ser vê çalakiyê ev agahî parve kiribû:
“Hêzên me yên gerîla di navbera 8-9’ê Kanûnê de li qada Girê Şehîd Mûnzûr a Zapê, li dijî dagirkeran bi taktîkên dema nû yên gerîla Operasyoneke Şoreşgerî ya koordîneyî li dar xistin. Agahiyên berfireh ên li ser Operasyona Şoreşgerî ku di çarçoveya Pêngava Şoreşgerî ya Bazên Zagrosê de hate lidarxistin wiha ne:
Destpêkê 8’ê Kanûnê saet di 14:00 de li Girê Şehîd Mûnzûr bi çekên giran derbên xurt li çeperên dagirkeran hate xistin. Piştre jî tîmên me yên gerîla yên bi tevger ketin nava liv û tevgerê û ji 5 baskan ve çeperên dagirkeran xistin bin kontrola xwe. Tîmên me yên êrişê yên profesyonel ên yekemîn û duyemîn nîvê şevê saet di 01:00 de bi rengekî koordîneyî avêtin ser 2 çeper û kamelyayeke dagirkeran. Baskê yekemîn ê çalakiyê bi bombeyan û çekên ferdî li kamelyaya ku dagirker tê de bûn, xist. Hêzên me li vê kamelyayê 5 dagirker ceza kirin û çûn ser cenazeyên dagirkeran, 2 çekên M-16, bombeavêjek, çekek BKC, çenteyek û gelek alavên leşkerî desteser kirin. Baskê duyemîn ê çalakiyê jî bi bombeyên destan û çekên ferdî li 2 çeperan xistin. Hêzên em di demeke kurt de çeper xistin û 2 çeper bi temamî îmha kirin, çûn ser 3 cenazeyên dagirkeran. Baskê sêyemîn ê çalakiyê jî di heman demê de li dagirkerên li ser Girê Şehîd Mûnzûr reşand. Di çarçoveya Operasyona Şoreşgerî de baskên çalakiyê yên çaremîn û pêncemîn jî bi çekên giran li dagirkerên li Kela Bêdewê xistin û hedef îmha kirin.
Hêzên me di çarçoveya Pêngava Şoreşgerî ya Bazên Zagrosê de bi rêbaza baz ji nişka û bi tundî derb li operasyona dagirkeran xistin. Tîmên me yên bi tevger jî bi rêbaza lêdanê ya Apoyî di nava 10 deqeyan de hedefên li ser gir hemû bi dest xistin. Hêzên me ti windahî nedan. Di encama vê çalakiya serketî de gelek dagirker hatin cezakirin, hêzên me çûn ser 8 cenazeyên dagirkeran, 2 çekên M-16, çekek bombeavêj, çekek BKC, çenteyek û gelek malzemeyên leşkerî desteser kirin.
Ev operasyona şoreşgerî, di şexsê hevrêyên me yên ku ji aliyê dewleta Tirk a dagirker ve bi çekên kîmyewî bi namerdane şehîd hatin xistin, ji bo hilanîna şehîdên me hemûyan hate kirin.”
