Nêrazîbîyişê verva îşgalkerîya dewleta tirke û bêvengîya PDK û Bexda ya verva îşgalkerîye, Vaşûrê Kurdistanî de zêdîyenê.
Pêşmergeyanê Dêrîn derheqê rewşe de Rojnewse rê qisey kerd.
Pêşmergeyan vat gere tu kesêke verva na îşgalkerîye bêveng nêmano.
Pêşmergeyê Dêrînan ra Arîf Elawêrdîyî nêy vatîy.
Helwesta hikumatê Hewlêre û Bexda ya veve îşgalkerîye şermezarîyêka pîle ya û nîna qebûlkerdene.
Vatişê dewleta tirke êy “Êrîş verva PKK yî yo” zî, zûrêka pîle û xapênayiş o.
Mexsedê dewleta tirke îşgalkerdişê Vaşûrî û çinêkerdişê heme destkewteyan o.
Gere di serre de Pêşmergeyê Dêrîn heme şarê Vaşûrî verva îşgalkerîye bivecîyo meydanan.
Arîf Elawêrdîyî di qiseykerdişê xo de veng ro ciwan,cînîyanê û hem şarê Kurdî kerd û vat;
Di her cayo ke şima tedeyê de tekoşîna verva îşgalkerîye berz bikerê
PÊŞMERGE HEJAR MERGE:
Pêşmerge Hejar Mergeyî zî nêy ardîy ziwan.
Êrîşîy bi mexsedê îşgalkerdişê Vaşûrî û orterawedartişê destkewteyanê şarê Kurdî yê.
Hejar Mergeyî veng ro ciwanan û cînîyan kerd û nêy vatîy:
Êrîşanê dewleta tirke cîddî bivînê.
Nêy êrîşî sibaroca ma defînenê bin talûkeyî.
Gêrîlla bi xoverdêrîya xo ya destanî şeref û rûmetê Vaşûrê Kurdistanî paweno.
Gêrîllayî bi derrbe û têkberişê Garê,dewleta tirke vernîya heme cîhanî de rezîl kerde.
Ke dewleta tirke di ney şerrê xo de bi ser bikewo, gere tu gumanêke çinê bo ke do siba êrîşê Hewlêre û Silêmanîye bikero.
Gere xort û kênayê kurdan êy çar perçeyanê Kurdistanî verva îşgalkerîye tewrê refanê gêrîlayî bibê.