Bi wesîleya serageyrayîya Şehadeta hunermenda Pîle Gurbet Aydin, Şehîd Hozan Mizgîn,Kevana Zêrîne eşkerayîyêk raya pêroyî rê barî kerde.
Eşkerayîya Kevana Zêrîne wîna ya;
Aşma Gulane de bi seyan Şoreşgerî tewrê mîyanê qarvanê şehîdan bîyê.
Ma di şexsê Hozan Mizgîn,Hakî Karer, Halîl Çavgun,Mehmet Karasungur,Îbrahîm Bîlgînî de heme şehîdanê şoreşa Kurdistanî bi minnet û bi hurmet yad kenê..
Reyna aşma Gulane de hetê rejîmê Îranî ra,Şîrîn Elemhulî,Ferzad Kemanger,Ferhat Wekîlî,Alî Heyderyan û Mehdî Îslam amey dardakerdişî.
Reyna Dewleta tirke şoreşgerê Tirkîya ra Denîz Gezmîş Yusuf Aslan û Huseyîn Înanî aşma Gulane de aleqnay.
Kevana Zêrîne mîrasê Şehîdan zey xeta tekoşîna şoreşgere biname kerd û vat;
11’ê Gulane serra 1992’ine de Hozan Mîzgîne Garzanî de bi qehremanîy tekoşîn kerd û tewrê mîyanê Qarvanê Şehîdanê Şoreşa Kurdistanî bîy.
Hozan Mizgîne bi vengê xo,bi tekoşîna xo ya hunere û bi tekoşîna xo ya şoreşgerî,morê xo ro tekoşîna Cenîya Kurde da.
Hozan Mîzgîne bi veng û hunere, şexsîyeta xo de kamîya Cenîya azade awan kerde.
Bi seyan Cenîyê Ciwanî,seba heyfgirewtiş û ala tekoşîna Hozan Mîzgîne tewrê mîyanê refanê tekoşîna Kurdistanî bîy.
Kevana Zêrîne peynîya eşkerayîya xo de, di şexsê Şehîd Hozan Mîzgîne de heme şehîdanê azadîye ,bi hurmet û bi minnet yad kerdîy.
