Pawitoxê Buroya Esre Îbrahîm Bîlmezî bale ante bêvengîya raya pêroyîya Kurde û dormeyê Demokratîkê yê Tirkîya ser û wîna vat:
Brêz Abdullah Ocalan,pergala Îmralî qebul nêkeno û verva tecrîdî tekoşîne dano.
Raya pêroyîya Kurdistan û dormeyê Demokratîkî yê Tirkîya verva pergala tecrîdî vengê xo berz nêkenê.
Xora brêz Abdullah Ocalanî, na ra ver zî qebul kerdiş û hezmkerdişê tecrîdî sero rexneyê tujî ardên ziwan.
Pawitox Îbrahîm Bîlmezî bale ante pêdîyişê peyînî yê bi telefone ser û vat:
Muwekîlê ma brêz Abdullah Ocalan,bi 22 serîyo giravaya Îmralî de binê tecrîdî de yo.
Bi wextêko dergo,keye û pawitoxanê xo der heqê pêdîyişan ra mehrum o.
Raya pêroyîya Kurdistanî,weşî û ewleyîya eyra bê xebera.
Tenê 25’ê Adare de bi birayê xo Mehmet Ocalanî dir,4-5 deqey bi telefone qisey kerdîy.
La dewlete telefoen nîme de birna. Mesajê Brêz Abdullah Ocalanî eşkera yê.
Îbrahîm Bîlmezî bale ante mecajê Rayver Apoyî ser û vat:
Muwekîlê ma Bêrz Abdullah Ocalan, Çareserîya persgerîya Kurd û Kurdistanî,babeta Pergala Demokratîke ya Tirkîya û ya Rojhilatê mîyanînî de wayirê,fikir û remanan o. La seba ke,desthilatdarîy nêwezanê,meseley bi goreyê menfîetanê şaran ra bêrê çareserkerdişî,Muwekîlê ma brêz Ocalanî sero tecrîd danê ferz kerdene.
Pawitox Îbrahîm Bîlmezî bale ante pergala Îmralî ser û vat:
Pergala Îmralî konsepta Înkar,qirkerdiş zurkerîy û bê huquqî sero ameya awan kerdene.
Heme sereperodayişê ma bê rêbazê huquqî yenê red kerdene.
Bi serano ma serero dozgerî û sazîyanê dewlete danê û cevabê ma nêdanê.
Bi ney kerdeyan, Konsepta Înkar û qirkerdişî ra giredanê.
Îmralî sero konsepta Înkar,zurkerîy,Qirkerdişî û pergala teberê merdimayî est a.
Çareserîya rijnayişê Pergala Îmralî,Xeta tekoşîna Demokratîke ya civete ya.
Gere gamêk raver raya pêroyîya Kurde û dormeyê Demokratîkî yê Tirkîya bi cîddî verva tecrîdî tekoşîne bikerê.