Şerrê Qamîşlo ke bi êrîşê mîlîsanê Dîfa El Wetenî dest pê kerd bi, taxanê Hilko û Taye de dewam keno.
Hêzanê Ewleyîya Zerreyî, taxa Taye de noqtaya peyêne ya mîlîsanê Dîfa El Wetenî zî girote bin kontrolî.
Bi goreyê agahîyanê eskerîyan 2 mîlisê Dîfa El Wetenî, ke waşt xo bodrûmêke de bilûmnê, hetê Hêzanê Ewleyîya Zerreyî ra amey tepiştene.
dengê sîlahan……
Hêzêy Ewleyîya Zerreyî Taxa Tayî de averşîyişê xo domnenê û xeylê cebilxaneyê mîlîsan ame desteserkerdene.
Mîlîsanê Dîfa El Wetenî ke giredayeyê rejîmê Şamî yê û sivîlan hedef genê, vizêrî domanêko 10 serre qetil kerdbi.
Mîlîsan ewro zî serekêlanê Qebîleya Benî Seba ra Hayis El Ciryanî qetil kerd.
Hayîs El Ciriyan, badê kombîyişê bi mîlisanê Dîfa El Wetenî reyde, ame hedefgirotene.
Kombîyiş bi mexsedê vindarnayişê êrîşanê mîlîsan êy verva sivîlan, amebî rodarvistene.
Domanê Hayîs El Ciriyanî mîyanê Hêzanê Ewleyîya Zerreyî û QSD de ca genê.
HETKARÊ HEMSEROKATÎYA MSD HÎKMET HEBÎB;
ÇETEYÊ DÎFA EL WETENÎ ARAMÎYA HEREME XEREPNEN
Derheqê ney qewemîyayiş û alozîyê peyênan de, Hetkarê Hemserokê Meclîsa Sûrîyeya Demokratîke MSD Hîkmet Hebîbî ANHA rê qisey kerd.
Hîkmet Hebîhî vat;
Nêy êrîşê mîlîsanê Dîfa El Wetenî, êrîşêy yewînî nîyê.
Xeylê doran bîyê sebebê alozîyê winayinan û na rewşe ra zî Rûsîya û Şam verpersîyar ê.
Hêzêy Dîfa El Wetenî, ke bi provakasîyonan aramîya hereme xerepnenê, hêzêy fermî nîyê la giredayeyê Şamî yê.
Bi no sebeb zî verpersîyarê nêy provakasîyonan hikumatê Şamî yo û gere Rûsîya û Şam nêy êrîşan bidê vindarnayene.
Bi nêy hewldananê xo wazenê reyna hereme de alozîye bivecê û vernîye ro şerrêkê xomîyanê abikerê.