Bi hezarî însanî di Terteleya Dersime ya serranê 1938’ine de dewa Halvorî de amey qetilkerdene.
Cenîy dicanî ke pêzêyê înan amey perçekerdiş, cenîy ke raştê tecawizê nêbibê xo zinaran ra vistîy war…
Gorey humaranê fermî, di komkiştişî de 13 hezar û 160 kes amey qetilkerdiş.
12 hezarî kes zî sirgun bîy. La hûmar hîna zafêrî yo.
Dewa Halvorî de hama zî dejê serranê 38’ine estê….
Yeno zanayene ke, nêzdî 500 însanî, ke mîyan înan de cenîy û domanî zî estbî, hetê eskeran ra zinaranê Halvorî ra amey vistij û qetilkerdiş.
Hatîce Bîlmez ke serra 38’ine de domanêk bîy, derheqê komkiştişî de ney çîyan ana ziwan:
“Wextê komkiştişî de ez şenkek bîya. Waya min, min ra şenikêr bî. Ez xilas bîya la a xilas nêbî.
Ma zaf çîy cuwîyay. Dadî, babî, way û birayanê ma heme merdî. Ma zî medê… Dej mend..”
Fatma Akkaya zî ney vat:
“4 esker îçy dewe û dewijan xepinay. Deijan şîy daristanan û eskerî zî xo deristanan de lumnaybi. Dewijan eskeran veynay û fahm kerdîy ke înan do bêrê kiştiş.
Eskerîy ro dewijan guley varnay. Dimara zî zinaran ra vistîy war. Heke zinaran ra nêvistnê war, do xeylî kes xelas bibaynê. ”
Fatmayê vat 2 cenîy xelisyay û înan qewimyayîşî ardîy ziwan. Gorey ney cenîyan:
“Binê zinaran de şikeft estbî. 2 cenîy xo wêra limnay. 12 rocan kişta însanî ke merdî bîy, mendê. Badê zî vecîyay û xilas bîy. ”
Ame zanayene ke, na dewe de serrêk de 1 dore zinarîy yenê zîyaretkerdene.
Û zinaran de xeylê esteye hema estî.