Lejê verva îşgalkerîye dewam keno.
Heftanîne de gerîllayanê azadîya Kurdistan verva artêşa îşgalkere çalakîyeka sekvanî pêk ardîy.
Di encame de 1 esker ame cezakerdiş.
Reyna Colemêrge de lejeko giran qewimyayo.
Lejê gerîllayanê HPG û YJA-Star ey verva artêşa dewleta tirk ya îşgalkere dewam kena.
Navenda Resnayîş û Çapemenîya HPG derheqê mijare de eşkerayî da.
Eşkerayîya HPG wina ya:
“Di çarçoveya Hemleya Şoreşger ya Cenga Heftanîne de, hêzê ma 12’ê Îlone qada Bektorîya ya Heftanîne, Girê Şehîd Sîpan de verva artêşa dewleta tirk ya îşgalkere çalakîya sekvanîye rodarvistîy.
Di çalakîye de eskerêke dişmên ame cezakerdiş.”
HPG di dewamîya eşkerayîya xo de êrîşî hawayî ya artêşa tirk ya îşgalkere ey verva herêma Colemêrge de zî ney vatîy:
“9’ê Îlone de artêşa tirk ya îşgalkere bi teyyaranê lej û helîkopteran qada Îsmaîl Axa ya herêma Koyê Sumbul ya Colemêrge bombevaran kerdîy.
Dimara zî bi helkopteran eskerê xo herême de ronay û dest bi operasyone kerdîy.
Di wextê operasyone de maberê hêzê ma îşgalkeran de lejeko giran qewimya.
Artêşa îşgalkere ke derbey giranîy werde, bi helikopteranê bi tîpa Kobra herême bombevaran kerd.
Rayhimbazanê ma Çekdar, Dilovan, Ronahî û Dersim ke wextê lejî de û êrîşanê hawayî de verva artêşa tirk ya îşgalkere bi qehremanî lej kerdîy û derbey giranan ro dişmên day, şehîd bî.
Do kamîya rayhimbazanê ma ke şehîd bîy, dima ra bi raya pêroyî reyde bêrê bare kerdene.”
Navenda Resnayîş û Çapemenîya HPG derheqê bombevaranê artêşa îşgalkere ey verva Herêmanê Pawiteyan ey Medya sero zî ney zanayîşan day:
“12’ê Îlone artêşa tirk ya îşgalkere dormeyê dewa Perax ya herêma Heftanîne bombevaran kerd.
10’ê Îlone qada Tirvaniş ya Metîna û 12’ê Îlone de zî qada Mervanos ya herêma Avaşîne bombevaran kerdîy.
Bi sebebê bombevaranê her 2 qadan de şewat vecîya û hema zî dewam kenê. ”
