Rayver Apo 4’ê Nîsana 1949’ine dewa Amara yê Xalfetî de ame dinya.
Rayverê şaran, ciwiyayisê şarê kurdî sero tesîreke pîl kerd.
Raya azadiya şarê kurdî û şaranê Rojhilatê Miyan akerd.
Nika dosyêyake ma derheqê roja nêwerabîyîşî şarî Kurdî yena ekrananê şima ser….
4’Ê NÎSANE ROCBÎYÎŞÊ RAYVER APOYÎ
ROCA NEWERA-BÎYIŞÊ ŞARÊ KURDÎ
4’ê Nîsane, roca rocbîyîşê Rayverê Şarê Kurd Abdullah Ocalanî ya.
Şaro Kurd na roce zêy “Vecîyayîşî Tîncîye Kurdistanî de ” û zêy “roca newe ra bîyîşê Şarê Kurdî” qabûl keno.
Roca tekoşîna verva zilm, zordarî, asîmîlasyon, qirkerdiş û çinêkerdişê şarê Kurdî.
Rayver Apo ke hetê bi mîlyonan şarê kurdî zê “tîcîya ma” yeno qabûlkerdiş, 22 serrîy o tecrîdkerde yo.
La verva heme hewldananê dewleta faşîste zî, bi awayoke bêhempa xover dano.
4’ê Nîsane her serre verva heme qedexeyan, bi awayêko girseyî yena pîrozkerdiş.
4’Ê NÎSANE ROCBÎYÎŞÊ RAYVER APOYÎ
ŞARO KURD HER SERRE VERÊ XO DANO AMARA
Xisusî badê serra 2004’ine, pîrozkerdişanê girseyî Kurdistan û teberwelatî de, dest pê kerd.
Meşê 2004’ine, bi verkêşîya TUHAD-FED’e yo ver bi Amaraye, bi hedefa êrîşê îşgalkeran.
Serra 2005’ine de Şarê Kurdî verva heme astengîyan xo resna dewa Amara û rocbîyîşê Rayverê xo pîroz kerde.
Serra 2006’ine de bi deshezaran kesan ke verê xo dabi Amara, Bêrecûke de ameye astengkerdiş.
Serra 2007’ine de rixmê êrîşan, şar bi şîara “weşîya to weşîya ma ya” reyna xo resna Amara.
Serra 2008’ine de, rocbîyîş bajaroka Elîgore de ro festîvalêkê pîlî agêra.
2009’î de zî meşêke ver bi Amara dest pê kerd.
Di êrîşê îşgalkeran de Mahsum Karaoglan û Mustafa Dagî şehîd bîy.
Serra 2010’ine de, bi şîarê “Ocalanî rê azadî”, bi deshezaran kesîy, bajaroka Elîgore de kom bîy.
Serra 2011’ine de qezaya Xalfetî de festîvalêko pîl, ame organîzekerdene.
2012′ de rixmê rewşa awartîye, şar şi dewa Amara.
030413-urfa-amara-mesaleli-yuruyus
Serra 2013’ine de pîrozkerdişo tewir pîl Xalfetî û dewa Amara de ame rodarvistene.
Serra 2014’ine de 4 beşanê Kurdistanî ra, şarî verê xo da Amara û goş da peyama Rayver Apoyî.
“Ez ewro sifreyê tîcî ya ke dewa Amara de ameya ronayene sero, şima reyde ya.
Ez na herra ke şaristanîyan rê şahîdîye kerda, emanetê bîrdozîya azadîye ya şarê xo kena.
Bi bawerîya ke ma têreyde, welatêko azade de biresê yewbînan, ez şima heminan verar kena.
Abdullah Ocalan.”
2015’ine de Xalfetî de reyna festîval ame rodarvistene.
2016 û 2017’ine de rixmê astengî û êrîşanê polîsan, şar şi Amara û rocbîyîşê Rayver xo pîroz kerd.
2018’ine de dewleta tirke ya îşgalkere, Xalfetî dorme kerd.
2019’ine de bi xoverderîya grevê veyşanîye, Amara de rocbîyîşê Rayver Apo ame pîrozkerdiş.
2020’ine de dewleta tirke ya îşgalkere vîrûsa corona kerde hincet û destûrê pîrozkerdişan nêda.
Emser zî serranserê Kurdistanî de, Rocbîyîşê Rayver Apoyî bi çalakîyê cîya cîyayan,bi hemleya “Tecrîd, faşîzm û îşgalkerîye rê bes o, wext wextê azadîye yo”, yeno pîrozkerdene.
