Rocbîyîşê Rayver Apoî bajaranê Ewropa de ame firazkerdene.
4’Ê NÎSANÊ ROCBÎYÎŞÊ RAYVER APOYÎ
EWROPA DE BI COŞ AME PÎROZKERDENE
4’ê Nîsane rocbîyîşê Rayver Apoyî û serragêrayîya 17’ine ya PJAK’e paytextê Swêde Stockholmî de, ame pîrozkerdene.
Bi desan kurdistanijîy tewirê firazkerdişî bîy.
Di firazkerdişî de rayvstina PJAK’e ya Swêde, pêyameke da.
Platforma Zoomî sera zî hemserokê PJAK Sîyamend Muînî
û hemserokê KONGRA GEL Remzî Kartalî qisey kerd.
Qiseykerdişan ra dima, koma govende ya Ciwananê Zagrose,bi hunerê xo tewrê coşa firazkerdişî bî.
Hunermendanê TEV-ÇAND’e ya Swêde zî hunera xo ramojna.
Şahîya 4’ê Nîsane bi govendgirewtişî bi peynî bî.
Bajarê Cenevre ya Swîsre de zî 4 Nîsane ame pîrozkerdene.
Aktîvîstanê TEKO-JIN mîyanê bajarî de bi def, deyr û govende Rayver Apo silam kerd.
Bajarê Hamburg ya Elmanya de zî, bi verkêşîya ciwananê Kurdan çalakîyeke amî rodarvistene.
Bi wesîleya rocbîyîşê Rayver Apoyî, tûra bi bîsîkletan ame rodarvistine.
Di çalakîye de bale ancîya tecrîdî ser û waşteka azadîya fîzîkî ya Rayver Apoyî amî berzkerdene.
Îtîya zî bajarê Hannoverî yo.
Bi verkêşîya NAV-DEM, YJK-E û Meclîsa Cinîyan ya Ronahî, fîrazkerdişêke ame rodarvistene.
Di çalakîye de qiseykerdişîy pêk amey û rocbîyîşê Rayver Apoyî ame firazkerdene.
Qiseykerdişan ra dima Koma Rêdûr û Ciwan Çewlîk vecîyay sehneyî ser.
Bi verkêşîya Meclîsa Cinîyan ya Berçem, bajarê Giessen de zî 4’ê Nîsane ame firazkerdene.
Kurdistanijan bi na wesîla meşêke rodarvist û azadîya fîzîkî ya Rayver Apoyî waşte.
Şarê Kurdî bajarê Heîlbronnî de zî bi mitîngeke rocbîyîşê Rayver Apoyî pîroz kerd.
