Endama Konseya Rayirbere ya KJK Zerrîn Rûken vizîrî tewrê bernameya taybete ya Medya Haber TV bî.
Zerrîn Rukene derheqê tecrîdkerdişê Rayver Apoyî de qisey kerd û vat;
Nêbeno ke tecrîdkerdişê Rayvertî zey pêvajoyêko normal bêro dîyişîy.
Tecrîd planêka qirkerdişî ya.
Tecrîd konsepta qirkerdişî ya. .
Dewleta Tirke bi na konsepte, êrişî şarî,Gerîlla û Rayvertî keno.
Mexsedê Dewleta Tirke eşkera yo, Dewlete hewladana Şarê Kurdî bê Gerîlla û bê Rayvertî verdo..
Endama Konseya Rayirbere ya KJK Zerrîn Rukene bale ante sîstema îşkenceyê Îmralî ser û vat;
Dewleta Tirke sîstema îşkenceyê Îmralî normal dana nawitişî..
La şarê Kurdî û Gerîllaya azadîye tecrîd û pergala Îmralî normal qebul nêkenê.
Xora heme kerdeneyê dewleta Tirke verê çiman de yê..
Zîndanan de bi hezaran tepişteyê doza azadîye seba bipeynîkerdişê tecrîdê Îmralî, çalakîya grevê veyşanî de yê.
Reyna şarê ma û gerîlla tebere seba azadîya Rayver Apoyî tekoşînêka tarîxê danê.
Şarê ma û Gerîlla baş zanenê ke, Dewleta Tirke Rayver Apoyî sero şerêko taybet rahara bena.
Zerrîn Rukene bale ante êrişê Dewleta tirke yên Heremanê Zap,Avaşîn û Metîna ser û wîna vat;
Dewleta Tirek 23’ê Nîsanî de hewayî û bejayî ra verva Heremanê Paweteyê Medyadest êrişêk kerd.
Êrişê Artêşa Dewleta Tirke raştê xoverderîya Gerîllayanê azadîye ame.
Dewleta Tirke nêeşkeye,xoverderîya Gerîllayan azadîye bişikna.
Gerîllayê azadîya Kurdistanî bi 40 serîyo verva artêşa tirke ya îşgalkere xovrerdanê..
Endama Konseya Rayirbere ya KJK Zerrîn Rukene vengro partîy û rayvistinanê Kurdan kerd û vat:
Gere heme partîy û rayvistinê çarperçeyê Kurdistanî,verva êriş û îşgalkerîya Dewleta Tirke biveceyê.
Dewleta Tirke tenê êrişê PKK û Gerîllayan nêkena.
Xoverderî û tekoşîna Gerîlla,seba azadîya çarperçeyê Kurdistanî ya.
Lazimo heme hêzê Kurda bi xoverderîya Gerîllayan rê bibê yew û ala tekoşîna azadîya berz bikerê.
