BIRYARA BETALKIRINA PARLEMENTERIYA SEMRA GUZEL
TJA: LI DIJÎ ÊRIŞAN EM Ê TÊBIKOŞIN, HEDEF TÊKOŞÎNA JINÊ YE
Di 17’ê Sibatê de Komîsyona Têkel a ji endamên Komîsyona Qanûna Bingehîn û Edaletê pêk tê biryar da ku parlementeriya Semra Guzel bê betalkirin.
Hat zanîn ev biryar wê di rojên pêş de sewqî Desteya Giştî bê kirin.
Ev biryar ji aliyê jinan ve dibe cihê nerazîbûnan.
Parlementer Remziye Tosun ji bo betalkirina parlementeriya Semra Guzel diyarkir ku dewlet ji têkoşîna jinê ditirse.
Ji endama TJA Rozerîn Îldan jî biryara li dijî parlementera xwe weke lîstika siyaasetê nirxand û got:
“Êrişa li ser Semra Guzel tê wateya êrişa li ser tevgera jinê. Lewma em vê êrişê şermezar dikin û qebûl nakin. Çi dikin bila bikin dê nikaribin bi ser bikevin.
Endama TJA Evîn Yelboga jî destnîşan kir ku ew ê di 8’ê Adarê de bersiva hemû êrişan bidin û bi ruhê 8’ê Aderê têbikoşin.
