“ŞERÊ KONTROLKIRINA IDLIBÊ”
TIRKIYE TANK Û PANZERÊN XWE YÊN TEQANDÎ JI QADA ŞER BIRIN
Dewleta Tirk tanq, panzer û wesaîtên wê yên hatibûn teqandin, ji qada şer dûr dixe.
Rusya îdîayên Erdogan ên wekî wan 8 sîstemên parastina hewayî yên Sûrî tinekirine, derew derxist.
Li aliyê din, doh bi şev jî êrişê herêmên rêveberiya xweser kirin.
Êriş li dijî gundên Girê Spî û Şehbayê pêk hatin.
Dewleta Tirk a li Idlib û derdora wê derbên giran xwarine, ew ji raya giştî veşartine.
Derket holê ku di dema şer de gelek tanq, top û panzerên wê hatine teqandin.
Hêzên Tirk doh bi şev, ew tanq û topavêj û panzerên hatine teqandin, ji qada şer birin.
Dîmenên wê jî, ketin medya civakî.
ÎDÎAYA ERDOGAN A 8 PERGALA PARASTINA PANZÎR TINE KIRINE
RUSYA: ERDOGAN DEREWAN DIKE, LI IDLIBÊ 8 PANZÎR TINEBÛN
Li aliyê din, Rusya îdîayên şefê faşîst ê Tirk Tayîp Erdogan derew derxistin.
Erdogan îdîa kiribû ku wan 8 pergalên parastinê yên bi tîpa Panzîr ên li Surî rûxandine.
Lê belê Wezereta Parastina Rûsyayê diyar kir ku li derdora Idlibê tenê 4 pergalên parastina hewayî hebûn.
DAGIRKERIYA TIRK YA LI BAKURÊ SÛRÎ
DOH BI ŞEV JÎ ÊRIŞÊ GUNDÊ GIRÊ SPÎ Û ŞEHBA KIRIN
Li aliyê din, hêzên Tirk ên dagirker û çeteyên wan doh bi şev êrişê gundên Qizelî yê Girê Spî kirin.
Derbarê êrişên bi obus û moşekan de agahî bi dest neketin.
Êrişeke din jî li dijî gundê Şêx Îsa ya Şehbayê pêk hat.
Hêzên tirk ên dagirker û çeteyan bi roketên SPG-9 êrişê gund kirin.
Lê belê derbarê encama êrişê de ti agahî bi dest neketin.
Ji wan tenê 2 heb hatine rûxandin.
