Ewro serragêrayîya 1’ine ya şehadeta Endamê Komîteya Têkilîyanê Teberî ya KCK Demhat Egîd û Endamê Komîteya Weşî Cemîl Amede yo.
Bi wesîleya na roje, Komîteya Têkilîyanê Teberî ya KCK eşkerayîyeke da û her 2 endamanê xo ey şehîd bi vîrî ardîy.
Bi wesîleya serragêrayîya yewine ya şehadeta Endamê Komîteya Têkilîyanê Teberî ya KCK Demhat Egîd û Endamê Komîteya Weşîye Cemîl Amed de, Komîteya Têkilîyanê Teberî ya KCK’yî eşkerayîyeke barre kerd û wina vat:
“Her didi rayhimbazanê ma Demhat û Cemîl ke bi awayoke fermî Vaşûre Kurdistane de wezîferdar bîy, 15’ê Citmenga 2019’ine Silêmenîye de bi hedefê êrîşê teyaranê lej ey delweta tirke.
Di wextoke ke êrîşê îşgalkerîye ey verva Serêkanîye û Girê Spî estbî, did rayhimbazanê ma ey şoreşger ke wayîr kedeka pîle bîy, bi paştîdayîşê xayîn û ajanan amey şehîdkerdiş. ”
KCK di eşkerayîye de vat, malbatanê şehîdan, şar û têgêrayîşê ma, seba roştîkerdişê komkiştişê 15’ê Citmenge pawikê eşkerakerdişêke zelalê.
Komîteya Têkilîyanê Teberî ya KCK da zanayene ke, verva civaka Êzîdî ke verva qirkerdişê DAÎŞ xover da û estbîyîşî xo pawit, çend hêzîy di na serdeme de zî derfetanê xorayverîye û xopawitişî de bêpar verdenê.
Eşkerayî wina dewam kena:
“Ney hêzîy, ajanan doreka bîn vistîy dewre. Seba çinêkerdişê civaka ma ya Êzîdî, PDK û hikumeta Iraqe pêamey.
Ey ke bîy sbebê şehadeta rayhimbazanê ma, ray da êrîşê îşgalkerîye.
Vernî ro qirkerdişê Êzîdî akerdîy.
Lazimo hetê ma ra no bêro veynayîş û verva înan helwest bêro nawitiş.
