Ewro 15’ê Sibate, serragêrayîya 22’ine ya Komploya Mîyanetewî, ke hetê Şarê Kurî ra zê ” Roca Sîya”, yena bi namekerdişî ya.
Rayver Apoyî, di pêdîyiş û pawitnameyanê xo de, komplo bi heme xisûsîyetanê xo deşîfre kerde.
Rayver Apo, Pergala Îmralîyî zî zê perçeyêkê Komploya Mîyanetewî vîneno û vano.
“Îmralî tenê girotxaneyêke nê, di heman wextî de navenda Pergala Modernîteya Kapîtalîste yo.
Îtîya di şexsê min de, verva Şaranê Kurdistanî û Şaranê hereme, êrîşê pîlîy yenê dîzayn kerdene.”
PERGALA ÎŞKENCE Û TECRÎDÎ YA ÎMRALÎ
RAYVER APO: “HER ÇÎY SEBA MERGÊ MIN HEDRE KERDÊNE”
Dimenên Îmrali û Rêber Apo werin bikaranîn baş dibe…
Rayver Apo bi komployêka mîyanetewî 15’ê Sibata 1999’ine Kenya ra ame remnayiş û bi vatişê ey ” Îmralî de ame çarmîxkerene”.
Verîya ke Rayver Apo girawe de bêro bicakerdiş, 4’ê Sibata 1999’ine de CIA û MÎT’ê dewleta tirke derheqê Îmralîyî de protokolêka nepenîye
îmza kerde.
Dime ra zî girawe amî vengkerdiş û 16’ê aşme de zî Rayver Apo îtîya ame bicakerdene.
Rayver Apo di pawitnameyê xo yo bi nameyê ” Dewleta Rahîban ya Sumeran ra ver bi Komara Şarî” de, pêvajoya komplo û raştîya Îmarlî bi
awayêko verhîra raviste, ver çiman.
Rayver Apo derheqê komploye û pergala Îmralî de nînan vano;
“Heme cîy seba mergê min, amebi hedrekerdene.
Xisûsî seba çinêkerdişê fîzîkî.
Heke na nêbo zî, hetê mehneyî ra waştê min çinê û pûç bikerê.
Komplo xeylê xorî û niximnayî bî.
Loma seba têkberdişê komploye, hewceyî bi gamêka averkewtî ya merdimayîye, ya di asta mûcîzeye de este bî”.
Bi komploye, verva azadîwazîya kurdan, çaraserîyêka bêrehme ya zê torêka qilêrine, amebî mûndiş.
Rayver Apo, derheqê na rewşa bêrehme de nînan vano.
“Çareserîyêka bêrehme amebî hedrekerdiş.
Di rewşêka winayine de hemeyê cîhanî bibi duştver.
Dost û rayembazê tewir nizdîy zî, bi goreyê bawerî û erjanê xo yê moralî, xênce “mergêkê bi şerefî”,pawoka çîyêkê bînî nêbîy.
Mezgê seserre no bi. Mezgê dostan zî wina bi û yê dişmenî zî.
Cayo ke hest û bawerî qefelîyabîy, no bi.
Her çîyî, tenêmendişêko tersnak dayê ferzkerdene”.
Rayver Apoyî derheqê komplogeran de zî nêy tespîtan keno:
Çarmîxkerdişê min ê tehtanê Îmralî de û çarmîxkerdişê Prometheûsî yê koyanê Kafkasîya, cêra cîya nêbi.
Ya tewir girane û bi êşe zî, na hetê heman doman û torinê Homaya Athena Zeûsî ra, ameyêne kerdene.
Navendanê tewir vicînayeyan ya Şaristanîye ra Moskow zî, bi kayêka bêyewme ya seba yew didi îhaleyan û krêdîya ÎMF, ya çend mîlyar dolaran, duştverê min têgêrayêne”.
Roma de zî arenaya koledarîya klasîke û hesabanê barîyan êy kapîtalîzmî, do tu erjêy moral û hiqûqî nas nêkerdayêne.
Bi terorêkê psîkolojîkî yê giranî, şerrêko pîl yê rûmetî ro min bidayêne ferzkerdene ke, naçar bimana, ya ke hewceya, bikera.
Athena zî, do bawerîya bi nameyê dostanîye, ke bi terrzêkê fahîşeyî yê tewir pîlî zî nêşikayêne cesaret bikera, bi namerdî bi kar biardêne û paytextê Kenaya de, ez teslîmê dîyarê hovan bikerdêne.
