XIZMÊN QURBANIYÊN KOMKÛJIYA ROBOSKÎ BIRYARDARIYA JI BO EDALETÊ TÎNIN ZIMAN
Komkujiya Roboskê ku têd e 34 ciwanên Kurd kuştin, 28’ê Kanûnê 9 salan li pey xwe dihêle.
Herkes dizane ku failên vê komkujiyê rêvebirên Dewleta tirk yên wê demê ne.
Ji xwe, serokê rejîma faşît ê Tirk Erdogan bi xwe itiraf kiribû ku talimata bombardumanê wî bi xwe daye.
Xizmên qurbaniyan dibêjin, zû an jî dereng em ê hesab ji kujeran bipirsin.
Komkujiya Roboskê ya bi balafirên şer ên Tirk kuştina 34 şêniyên Roboskê 9 sal li pey xwe hiştin.
Amîne Encu ya di komkujiyê de kurê xwe Salih Encu wenda kir bi bêhnkirina kefiya wî, hêrsa xwe tîne ziman.
Amîne Encu dibêje hêzên dewleta Tirk xwestin bi pereyan me bikirin û bêdeng bikin, lê wê têkoşîna ji bo edeletê bidomînin
Hedîye Encu ya di komkujiyê de kurê xwe Şivan Encu wenda kir jî bi gotina “ji bo kîloyek şekir, bombeyeke tonekê avêtin” hovîtî anî ziman.
Hediye Encu tiştên ji Şivan Encu mane diparêze û bi hesreteke mezin wan tiştan bêhn dike.
Parlementerê berê yê HDP’ê Ferhat Encu yê di komkujiyê de gelek xizmên xwe wenda kirine jî, dibêje ku, zext û zilmê li dijî wan bi rêbazên cûr be cûr didome.
Ferhat Encu tîne ziman ku piştî komkujiyê bazirganiya sînor bi temamî dawî bû, hêzên Tirk li ser wan koçkirin û pejirandina cerdevaniyê ferz dikin û got:
Divê em bêyî ku ji dewletê tiştek hêvî bikin, têkoşîna xwe bidomînin û bi xizmên qurbanan re di nava piştgiriyê de bin.
Ahmet û Cafer Encu jî di komkujiyê de birayê xwe Serhed wenda kirin.
Ahmet û Cafer wê demê zarok bûn dibêjin, wan ji bo komkujiyê ji bîr bikin, dixwastin razên, lê belê nedikarîn û tevî 9 sal derbas bûne jî, hê jî ew roj di ber çavên wan re naçin.
