Şoreşger, fermandar û endamê Komîteya Navendî ya PKK Qasim Engîn qezaya Pazarcik ya Mereşî ra yo.
La Ewropa de pîl bi.
Serra 1978’ine de xalêke êy Çewlige de şehîd bi.
Xalê êy yo bîn zî gerîlla bi.
Bi naye reyde naskerdişê keyeyî bi têgêrayîşê azadîye reyde rew bi.
Qasim Engîn serra 1985’ine de tewrê xebatanê partîye bi.
Ewropa de xebatanê ciwanan, çand, huner û dîplomasîye rayirnerd.
Qasim serra 1989’ine de zî tewrê redanê PKK’yî bi.
Demêke dime ra zî bi komeke rayhevalanê xo reyde şi Akademîya Mahsum Korkmazî.
Wêra Rayver Apoyî nêzdî ra naskerd.
Seba ke ziwanê Ewropî zanabi, xebatê açernayîşî kerdbi.
Qasim Engîn serranê 90’î de Eyaleta Vaşûr-Rojavayê Kurdistanî de fermandarîya gerîllayan kerd.
Cayo ke ame dinya, Nurhak, Engîzek û Bînboga de tekoşîna verva îşgalkerîye rayiraberd.
Dimera Botanî de bi fermandarê gerîlla.
Vaşûre Kurdistanî de zî herêmanê Behdînan, Bradost û Qendîle de xebatîy rayirberd.
Wextêk derg verpersîyarê Navenda Resnayîş û Çapemenîya HPG’yî bi.
Dimera zî di karê Komîteya Paştîdayîşî bi Keyeyê Şehîdan ya PKK’yî de xebityabi.
Qiseykerdişê peyênî ya Qasim Engînî di 18’û Gulana 2020’ine de amebi weşanayîş.
Şehîdanê aşma Gulane sero qiseykerdbi û vat, tewir zaf di na aşme de şehadet û virazîyay û tekoşîn zaf xidar derbas bîya.
Qasim Engin 1 hefta badê naye, yanî 27’ê Gulana 2020’ine de şehîd bi û tewrê karwanê şehîdanê aşma Gulane.
Qasim Engîn tarîxê Kurd û Kurdistanî sero xeylê nuşteye cigêrayîşî hedre kerdbi.
Sosyalîzma reel nêzdî ra naskerd, analîz kerd û bi bawer bi ke sosyalîzma demokratîj ser xeta Rayver Apoyî eşkena pêk bêra…
