Rayvistinanê Ciwanan vizêr Stembole de waştîy eşkerayîyeke çapemenîye bidê, la raştê êrîşê polîsan amey.
Ciwanan no derheq de rayvistana HDP ya Enqere de eşkerayîyeke day û vatîy:
“Ma şîddetî ra nêtersenê û ma do bi israr, estbîyîşê xo meydanan de bidomnê. ”
Meclîsa Ciwanan ya HDP û rayvistinanê Ciwananê Demokrat ey Newe, Yewîtîya Wendekaranê Şoreşger û Hêzê Şoreşger ey Ciwan DEV-GUÇ vizêr Kadikoy ya Stembole de, verîya îlankerdişê Meclîsa Ciwananê Yewbîyayê, eşkerayîyeke çepemenîye day.
Polîsanê dewleta faşîst êrîşê ciwanan kerdbîy nêzdî 50 ciwanîy ameybî binçimkerdene û raştê îşkence amey.
Ciwanan derheqê binçimkerdiş û êrîşê polîsan de, awanîya rayvistina HDP ya Enqera de kombîyîşê çapemenîye ame rodarvistene.
Eşkerayîyeka hembarre ame dayene û wina ame vatene:
“Berzkerdişê wêneyê Îbrahîm Kaypakkaya zey hincet ame nawitiş û êrîş pêk ame. Ciwano bi name Metîn Ozkan ke wêneyê Kaypakkaya berz kerdbi sewqê dozgerî bi.
Ma zey ciwananê şoreşgere, nêtersayîş rayveranê xo ra musay. Ma şîddetî ra nêtersenê û ma do bi israr, estbîyîşê xo meydanan de bidomnê. Ma do qet kêm nêbibê. Her ke şino ma zafêr benê.”