Hemseroka HDP Pervîn Bûldane bi wesîleya 1’ê Gulane karkerêy Şantîyeya Galataporte zîyaret kerdîy.
Bûldane reyde parlamenterê HDP Zuleyha Gulum, Huda Kaya, Serpîl Kemalbay, Dîlşad Canbaz Kaya, Oya Ersoy, Endamê Desteya Rayirbere yê HDP Ferhat Encu, Hemserokêy rayvistina Stembole Elîf Bûlût û Erdal Avci û Serokê Dev Yapi Îş’e Ozgur Karabûlût tewrê zîyarete bîy.
Heyeta HDP, 1’ê Gulane Roca Karkeran firaz kerde û gulê sûrîy day karkeran û îtîya qisey kerd.
Buldane vat;
Di rocêka winayine de zî karkerîy xebetîyenê.
Şert û mercîy xora başîy nêbîy şobaya Corona zî girot serde.
Her roce karkerîy bi sebebê bêewleyîye corona ra cuwîyeyê xo vînî kenê.
Pawitişê heq û hiqûqê karkeran gureyê ma yo binkeyîn o.
Ma do na pergala hove bi tekoşînêka hembare bi peynî bikerê.
Na pergale do miheqeq bivûrîyo û do karkerîy biresê heqanê xo yê însanî û aborîyan.
HDP tim di kişta karker, kedkar û şarî de ya û di na tekoşîne de bedêl çi beno wa bibo, do bi tu awayî tawîz nêdo.
