Medîyaya dîjîtale sero derheqê weşî û ewleyîya Rayver Apoyî de tay îddîay ameybî vilakerdene.
Naye sero Buroya Hiqûqî ya Seserre û Keyeyê Rayver Apoyî serre ro Serdozgerîya Komare dabi.
Di wexto ke Şaro Kurd, Kurdistan û Ewropa de vecîyabi meydanan pêdîyişêkê bi telefonî yê Mehmet Ocalanî bi Rayver Apoyî reyde ame pêkardene.
La pêdîyişê bi telefonî çend deqeyan dime ra ame qutkerdene.
Buroya Seserre bi eşkerayîyêke dîyar kerd ke derheqê rewşa weşîya Rayver Apoyî de tu agahîyêkê zelalî nîyameyê bidestfistene.
PÊDÎYIŞÊ ÎMRALÎ
PÊDÎYIŞÊ TELEFONÎ YÊ BI RAYVER APOYÎ REYDE AME QUTKERDENE
Di wexto ke Kurdistanîjîy seba Rayver Apoyî Kurdistan û Ewropa de lingan sero yê,
Buroya Hiqûqî ya Seserre eşkera kerd ke, bi Raver Apoyî reyde pêdîyişêkê bi telefonî pêk ameyo.
La badê çend deqayan yê qiseykerdişê Mehmet Ocalanî yê bi Birêz Ocalanî reyde,telfon ameyo birrnayene.
Buroya Hiqûqî ya Seserre derheqê ney pêdîyişî de eşkerayîyêke da.
Bi goreyê eşkerayîye, dozgerîye veyndayo keyeyanê Rayver Apoyî, Omer Hayrî Konar, Hamîlî Yildirim û Veysî Aktaşî ke bêrê û bi telefon pêdîyiş pêk bîyarê.
Qiseykerdişê Birêz Ocalanî bi birayê xo reyde, wextêkê kilmî de yeno birrnayene.
Reyna qiseykerdişê Birêz Hamîlî Yildirimî zî bi heman awayî beno.
Birêz Weysî Aktaş û Omer Hayrî Konarî zî na rewşe protesto kerdê û qiseykerdişê bi telefonî red kenê.
Biroya Hiqûqî ya Seserre vat; 27’ê Nîsana 2020’ine ra na heta tu agahîyêke Rayver Apoyî ra nîna girotiş.
14’ê Adara 2021’ine medîyaya dijîtale ser ra derheqê weşîya Rayver Apoyî de, tay îddîay amey barrekerdene.
Nêy agahîy derheqê Rayver Apoyî de bîyê sebebê fikaran û pawitoxan her roce seba pêdîyişê lezînî serre ro serdozgerîya dewleta tirke dayo.
La serdozgerîya Bûrsa heme serreperodayişî red kerdê.
PÊDÎYIŞÊ ÎMRALÎ
MEHMET OCALAN:”FIKARÊY MA ZAFÊRÎ ZÊDÎYAY”
Buroya Hiqûqî vat;
Ma di serreperodayişanê xo yê ewroyî ra zî encamêke nêgirewt û hema zî agahîyêka zelale ya derheqê weşîya Birêz Ocalanî de çîn ya.
Waşteka ma ya seba şîyişê Îmralî dewam kena.
Reyna Birêz Ocalanî zî di qiseykerdişê xo yê kilmî de vato;
Badê ney vatişî zî qiseykerdiş ameyo qutkerdene.
Ma nêy agahîyan bi raya pêroyî reyde barre kenê û veng danê rayedaran ke bi goreyê hiqûqî tê bigeyrê.
Mehmet Ocalanî zî derheqê pêdîyişî de nêy vatîy.
Na heleweste, helwestêka teber hiqûqî ya.
Hem ti û hem zî dewlete yanişîyan kenê.
No çîyêko zaf talûke yo.
No çîyêko hiqûqî nîyo. 22 serrîy o ez îtîya ya.
Ez wazena pawitoxê min bêrê îtîya.
Û dime ra zî Pêdîyiş ame sabotekerdene.
Fikarê ma zafêrî zêdîyay”.
HEMSEROKÊ KONGRA GEL’E REMAZÎ KARTAL:
GERE ŞARO KURD Û DOSTÎY BI AWAYÊKO CÎDDÎ REWŞE BIGERÊ DEST
25042018—Z012—REMZI KARTAL-ROP—217—BETA
Hemserokê Kongra Gel’e Remzî Kartal zî tewrê bernameyê Stêrk tv bi û derheqê rewşe de, nêy vatîy.
Çendê ke kilm bo zî, pêdîyiş zaf muhîm o.
La mudaxelekerdişê qiseykerdişî bi zaneyî û pîlan o.
Na nîşan dana ke tehdîdê verva Rayver Apoyî, dewam keno.
Bi no sebeb gere şarê ma û dostîy,heme wextan zafêrî mîyanê çalakîyan de bê.
Dewleta tirke bi sebebê şerrê verva Şarê Kurdî, di mîyanê krîz û alozîyêka pîle de ya.
Lazim o ma nêverdê dewleta tirke nefes bigero.
Gere ma bi çalakîyanê xo dewleta tirke naçarê pêdîyişanê bi Rayver Apoyî reyde, bikerê.
