Êrîşê dewleta tirke êy verva Vaşûrê Kurdistanî, 23’ê Nîsane ra na heta dewam kenê.
Di nêy êrîşan de bi desan dewîy amey vengkerdiş,bi desan welatijê sivîlîy amey şehîdkerdene û daristanêy Vaşûrî yenê talankerdene.
PDK heta nika verva nêy êrîşanê îşgalkerî û talanî tu helwestêke nîşan nêda.
Gêrîllayê Azadîye 43 rocîy o verva îşgalkerîya dewleta tirke xoverdêrîyêka destanî nîşan danê û dewleta tirke tarûmar kerda.
PDK ya ke heta nika vera dewleta tirke tu helwestêke nîşan nêdaya na siba ver bi heremanê gêrîllayan dest bi êrîş kerd.
Hêzanê PDK na siba seete dormeyê 4’î de 2 milan ra ke her milî de 50’î zêdêrî wesayîtê giranî êy eskerî û hêzê çekdarîy est bîy, êrîş berd heremanê gêrîllayan ser.
Têgêrayişo eskerî yê PDK hetê welatijan ra ame qeydkerdene.