Dogan Erbaşî ke maberê seranê 99 û 2011’ine de pawitoxîya Rayver Apoyî kerdê derheqê pergala tecrîdî de, ajansa Mezopotamîya rê qisey kerd.
Erbaşî Rayver Ocalan zê rehîneyêkê sîyasî bi name kerd û vat;
Di cayo ke şert û mercê Îmralî bêrê başkerdiş, gere Îmralî bi heme pergala xo bêro padayiş û wedartiş.
PAWITOX DOGAN ERBAŞ:
“GERE MA TENÊ TECRÎDÎ NÊ AZADÎYA BIRÊZ OCALANÎ BÎYARÊ ROJDEME”
Dogan Erbaş ke maberê serranê 1999’ine û 2011’î de pawitoxîya Rayver Apoyî kerdê, derheqê tecrîdî, Pergala Îmralî û rolê Rayver Apoyî yê di sîyasetî de, Ajansa Mezopotamîya rê qisey kerd.
Erbaşî vat;
Seba pergala Îmralî bikarardişê çekûya tecrîd û îşkenceyî bes nêkeno. Îmarlî de rewşêka xeylê xisûsî est a ke tu eleqeyêkê xo bi hiqûqê mîyanetewî çîn ya.
Erbaşî behsê tecrube û serranê pawitoxîya xo kerd û rewşa ewroyine sero nêy ardîy ziwan.
Di ravêreyîya 2013 û 2015’ine de, civatê tirkîya hêza çareserîye ya Birêz Ocalanî dîyê. Di persgiraya Kurde, persgirayanê cînîye, aborî,ewleyî û hiqûqî de, Birêz Ocalanî tim rayirê çareserîye nîşan dayê. Her wexto ke rewşe xerepîyayê Birêz Ocalan kewtê dewreye û perspektîfêy newey nîşan dayê. Seba heme perran çareyê raştînî xuliqnayê. Bi na pergala ewroyina ya Îmralî wazenê na hêze û kapasîteya xuliqnayişî ya Birêz Ocalanî çinê bikerê.
PAWITOX DOGAN ERBAŞ:
“HETA KE BIRÊZ OCALAN NEKEWO DEWREYE, PIRSGIRAYA KURDE ÇARESER NÊBENA”
Derjeqê çareserîya persgirayan êy ke maberê dewleta tirke û kurdan de, Dogan Erbaşî bale ante rolê Rayver Apoyî ser bi awayêko eşkera vat;
Persgiraya Kurde persgirayêka zafhetî ya û heta ke Birêz Ocalan nêkewo dewreya, mumkun nîyo ke persgira çareser bibo.
Dogan Erbajî, Rayver Apo zî rehîneyêkê sîyasî bi name kerd û vat;
Rolê Birêz Ocalanî sîyasetmedaran wetêrî yo û o hetê fikrî ra, xisûsî zî di Rochelato Mîyanên de bîyo rayverê Şarêy bindestan. Gere êdî rayirêke bêro dîyiş ke şarêy tirkîya bişikê fikranê ey êy çareserîye ra feyde bivînê.
Dogan Erbaşî derheqê rewşa hiqûqî û doza Rayver Apoyî de zî bale ante qerarê Mehkemeya Heqanê Merdiman ya Ewropa ser ke vano;
Badê 22 serranêy zîndanî gere dosîyaya Birêz Ocalanî newe ra ver çiman ra bêro derbaskerdene. Coka nika û dime ra gere tenê şert û mercy Îmral nê, Îmarlî bi pergala xo reyde bi temamî bêro dest girewtene.
Pawitox Dogan Erbaşî, Çalakîyê grevê veyşanîye êy zîndanan zî zê ” vengdanêkê civatî” bi name kerdîy û vat;
Gere êdî tenê HDP nê, heme hêzêy aştîwaz û demokratîkîy reyna heme kesêy ke doza cuwîyeyêkê zeypê û adilaneyî kenê, mijara Îmralî û azadîya Birêz Ocalanî de, bikewê mîyanê têgêrayişî.
