SALVEGERA KOMPLOYA 15’Ê SIBATÊ
PAJK: HÊZÊN KOMPLOGER LI HEMBERÎ SEKNA BERXWEDÊR A RÊBER APO TÊK ÇÛN
Koordînasyona Partiya Azadiya Jinên Kurdistanê-PAJKê bi rasthatina salvegera 22’yan a komploya navnetewî ya 15’ê Sibatê ya li dijî Rêber Apo daxuyaniyek da.
Di destpêka daxuyaniyê de şehîdên Pêngava “Hûn Nikarin Roja Me Tarî Bikin” hatin bibîranîn.
PAJK’ê berxwedana Rêber Apo a li dijî komplogeran destnîşankir:
Di dîroka hêzên komploger de, komploya 15’ê Sibatê ya herî mezine ku li dijî ti pêşeng û rêberî nehatiye kirin.
Ev komplo, di şexsê Rêbertiya me de, li ser jinan tevgera azadiyê, gelê Kurd û tevahî mirovahiyê hat kirin.
Dîsa jî hêzên komploger, li hemberî sekna berxwedêr a Rêber APO di pîlangeriyên xwe de têk çûn.
Ji ber vê yekê di van 22 salên borî de gelek caran serî li şer, pîlangerî û qirkirina gelê Kurd dan.
SALVEGERA KOMPLOYA 15’Ê SIBATÊ
PAJK: BERXWEDANA LI GARÊ YA GERÎLA BIRYARDARIYA KURDISTANA AZAD E
Di daxuyaniya PAJK’ê de weke mînaka sereke, tecrîda her roj li Îmraliyê li dijî Rêber Apo tê girankirin hat destnîşankirin.
Ev yek weke nûkirina komployê hat nirxandin, têkoşîn û berxwedana li hemberî vê yekê hat destnîşankirin.
Rêber APO, ev şer weke şerê cîhanê yê sêyemîn bi nav kir.
Weke şerê di navbera şaristaniya demokratîk û şaristaniya kapîtalîst de tê kirin pênase kir.
Di van rojên salvegera komployê de dewleta Tirk bi êrişa li dijî herêma Garê careke din peyama dagirkirina Kurdistanê û nûkirina komployê da.
Dewleta Tirk li hemberî vê yekê li berxwedaneke dîrokî ya gerîlayan re rû bi rû ma.
Ev biryardarî û berxwedana gerîla, berxwedan û biryardariya Kurdistana azad e.
Di serî de gelê me yê li Başûr bi taybetî jin, divê li hemberî vê dagirkeriyê bibin xwedî helwest.
SALVEGERA KOMPLOYA 15’Ê SIBATÊ
PAJK: AZADKIRINA FIZÎKÎ YA RÊBER APO BERPIRSIYARIYA DÎROKÎ YE
Di daxuyaniya PAJK’ê de girîngiya Pêngava Dem Dema Azadiyê ye hat destnîşankirin:
Rêber APO, ji bo Îmraliyê wiha gotibû; “Ev der çala mirinê ye. Pergala li vir her roj tê wateya îdamkirina min.”
Heya ku Rêber APO, li Îmraliyê bê ragirtin, ev tê wateya ku jinên azadîxwaz û tevahî mirovahî ji azadiya xwe bê par in.
Di serî de em jin û ciwanên Kurd di ferqa wê yekê de bin, ku azadiya fizîkî ya Rêber Apo berpirsiyariya dîrokî ye.
Di sala 23’emîn a berxwedan û tekoşîna dîrokî ya Rêber APO de weke tevger û gelê Kurd ji bilî mezinkirina tekoşînê rêyeke din li pêşiya me nîne.
