Hovîtîya eskeranê artêşa Tirke ya wanî dewam kene.
Osman Şîban ke amebi îşkencekerdiş û helîkopter ra amebi eştiş na siba hetê polîsan ra keye ra ame girotiş û bi darê zore berd nêweşxaneyê eskerî.
Hovîtîya dewleta tirke ke Wanî dewam kena
Osman şîban ke îşkence ro ci amebi kerdiş û badê dermankerdişê nêweşxaneyî şibi keyeyê xo.
Polîs û eskerîy na siba şîy keyeyê Osman Şîbayî û bi telîmatê serdozgerê Wanî,bi darê zore rakerd nêweşxaneyê eskerî.
Bi sebebo ke hema heş nîyameyo serre nêşikeno qisey bikero.
Bi goreyê çimeyanêy ke hereme ra agahîyan danê seba ke Şîban derheqê hovîtîye de qisey nêkero, berdo nêweşxaneyê eskerî
Osman Şîba û Servet Turgut û Osman Şîba 11’ê Îlone de hetê eskeran ra amebîy binçimkerdiş û badê îşkenceyî helîkopkterî ra ambî eştiş.
Osman şîba badê dermankerdişî şirawitbi keye la Servet Turgut hema zî beşa lezîne ya nêweşxaneyê zanîngehe de yeno dermankerdene.
Perro bîn de hetyetêka HDP, seba cigêrayişê derheqê mijare de ewro şî Wan.
Di heyeta HDP de Wekîlê Koma Serokatîye Sarûhan Olûç, Parlamenterîy Mûazzez Orhan, Ridvan Tûran, endamê Meclîsa Partîye, Endamê
Rayirberîya Navende, Rayirberê BDP û Partîya Însan û Azadîyan estîy bîy.
Heyeta HDP raştê astengkerdişê polîsan amî û verê nêweşxaneyî de di bin ablûkaya polîsan de eşkerayî da.
Di eşkerayî de Sarûhan Olûçî Suleyman Soylû û Hûlûsî Akaraî ra persa,
Gelo JÎTEM’ê şima yê newîye na hovîtîye kerde?
Olûçî vat do zê Partîye bi tu awayî na hetê hiqûqî û polîtîkî ra, hovîtîya ke ameya kerdişî ra fek vera nêdê û derheqê eşkarayîya Walîyê Wanî zî
vat walî zûrî keno.
Sarûhan Olûçî vat bi sebebê polîtîkayanê îqtîdarî êy dişmentîya kurdan û nêcezakerdişê faîlan kiştiş û îşkencekerdişê kurdan, bîyê kerdeneyê serbest û rojaneyî.
La do şaro kurd verva nêy hovîtîyanê şima bi tu awayî serre çewt nêkero.
