Navenda Resnayiş û Çapemenîya HPG derheqê qetlîamê Gare yê dewleta tirke de eşkerayîyêke bi raya pêroyî reyde barre kerde.
HPG di eşkerayîya xo de vat;
“Hêzêy ma derheqê êrîşê dewleta tirke ya îşgalkere ya verva Garê de, cigêrayişanê xo domnenê.
Dewleta tirke ya îşgalkere, kampa esîran de gazo kîmyewî bi kar ard.”
NAVENDA RESNAYIŞ Û ÇAPEMENÎYA HPG:
“DEWLETA TIRKE KAMPA ESÎRAN YA GARE DE XAZO KÎMYEWÎ ŞIXULNA”
Navenda Resnayiş û Çapemenîya HPG derheqê êrîşê kampa esîran ya Gare de eşkerayîyêka nûştekî da.
Eşkerayyîya HPG wina ya.
Hêzêy ma derheqê êrîşê dewleta tirke ya îşgalkere ya verva Garê de, cigêrayişanê xo domnenê.
Her çende êrîşê îşgalkerîye bi peynî bîyo zî, êrîşê hewayî êy verva Gare dewam kenê.
Hêzêy ma, seba ke qewemîyayişanê Kampa esîran ya garê bi awayêko zelal birresnê raya pêroyî, di bin êrîşanê hewayîyan de resayê cayê qewemîyayişî.
Rixmo ke bombevaranî ser ra 3 rocîy zî derbas bîyê hereme de boyka zafe ya xazê kîmyewî hema zî dewam kena û dekwetişê kampe zafêrî zehmet o.
Bi goreyê cigêrayişanê ma, artêşa faşîste, di êrîşê kampa esîran de vernî xazo kîmyewî bi kar ardo, esîrî qetil kerdê û dime ra zî cenazeyê esîran gulevaran kerdê.
Seba bi awayêko zelal vetişê orteyî yê nêy qetlîamê hovî, xebatê ma dewam kenê û ma do heme encamanê şerrê 4 rocan yê Garê, di rocêy ameyinan de, bi awayêko zelal, bi raya pêroyî reyde barre bikerê.
ÊRÎŞÊ ÎŞGALKERÎYE YO VERVA GARE
HPG: RAYHEVALÊ MA GELHAT TOLHILDAN ŞEHÎD BI
Eşkerayî wina dewam kena.
Ma di eşkerayîya xo ya 14’ê Sibate de vat bi 13’ê Sibate seete 11 û nîma şewe ra heta seete 10’ê rocî yê 14’ê Sibate dormeyê dewa Şikeftîyane bi teyareyanê şerrî 5 dorîy amî bombevaran kerdene.
Di nêy bombevaranî de rayhevalê ma Gelhat Tolhildan şehîd bi.
Rayheval Gelhat roca destpêkerdişê êrîşê îşgalkerîye ra heta roca peyêne, veerva îşgalkeran xoverdêrîyêka tarîxî nîşan da û tewrê karwanê şehîdan bi.
Rayhevalê ma Gelhat Tolhildan Cizîre de ame dinya.
Bi sebebê zextanê dewleta faşîste koçê metropolanê tirkîya kerd.
Badê hovîtîya dewleta faşîste ya Cizîre serra 2016’ine de tewrê refanê gêrîllayî bi.
Rayheval Gelhatî bi tekoşîne û qehremanîya xo bi terrzêko Apoyî şerrê Garê de derrbêy giranîy ro îşgalkeran day û di serkewtişê Gare de wayir rolêkê pîlî bi.
Di serre de keyeyê Rayheval Gelhatî ma heme şarê Cizîre û şarê kurdî rê serweşîye wazenê û sozê xo yê şopnayişê tekoşîna înan digarg kenê.
HPG derheqê êrîşaê hewayîyan de zî nêy agahîy day.
15’ê Sibate seete 1 de koyê Xêrê ya Herema Gare, seete 2’yê rocî de mentîqaya Kunîşka ya Zapî û seete maberê 1 û 20 û 1 û 40 sî de zî Geleyê Avaşîne bi teyareyanê şerrî bombevaran kerde.
