Endamê Komîteya Rayirbere ya PKK Murat Karayilanê rojdeme sero radyoya Dengê Welatî rê qisey kerd û vat:
“Xoverderîya Garê, binîkewtişê Plana çokdayişe testîq kerd.
Heme Planê komkiştişê verva Kurdan, hetê têgeyrayişa azadîya ra veng yenê vetişî..”
ENDAMÊ KOMÎTEYA RAYIRBERE YA PKK MURAT KARAYILAN:
“XOVERDERÎYA GARÊ, PLANA ÇOKDAYIŞÎ YA DEWLETA TIRKE PUÇ KERDE”
Endamê Komîteya Rayirbere ya PKK’yî Murat Karayilanî,rojdema sîyasî û xoverderîya Garê sero radyoya Dengê Welatî rê qisey kerd..
Murat Karayilanî xoverderîya Garê û plana Çokdayişê Dewleta Tirke sero wîna vat;
Serkewtiş û xoverderîya Garê heme planê dewleta tirke sero-bin kerdîy.
Mexsedê Dewleta Tirke îşgalkerdişê Garê bi la Artêşa Dewleta Tirke ya îşgalkere,Garê de vinî kerd.
Xovederî û serkewtişê Garê, zey xoverderîya serra 2008’ine ya Zapî bî.
Garê seba şarê kurdî fersendêko newe yê yewîtîya netewî zafêrî xurt kerd.
Xoverderîya Garê, têkşîyişê plana çokdayişî, heme hetîra testîq kerde.
ENDAMÊ KOMÎTEYA RAYIRBERE YA PKK’YÎ MURAT KARAYILAN:
“MÎLYONÎY BI WAŞTEKA AZADÎYA RAYVER APO’YÎ, HEREKÎYAY MEYDANAN”
Endamê Komîteya Rayirbere ya PKK Murat Karayilanî, tekoşîna Cenîyan ya 8’ê Adare û tekoşîna şarî ya Newroze silam kerd û wîna vat;
Cenîy 8’ê Adare, seranserê Welatî de bi waştekê azadîya vecîyay meydanan.
Çalakîyê Cenîyan yê 8’ê Adare rengê tekoşîna serra 2021’ine kifş kerd.
Bi mîlyonan şarê ma, Newroze de bi sloganê “Bicuwîyo Rayver Apo”, herekîyay meydanan.
Weşî û azadîya rayver Apoyî, seba şarê Kurdî û dostan, hincetê tekoşîna serekîye ya.
Vakûrê Kurdistanî û Tirkîya de rejîmêko faşîst est o.
La verva heme zilm û zordestîya rejîmê faşîstî, şarî meydanan de ala xoverderî û azadîye berz kerde.
Newroza emsarîne de mesajêko tarîxî ame dayene.
Şarî, qerardayîya xo ya seba azadîya Rayver Apoyî heme hetî ra nawite dost û dişmenan.
Meydanan de bi slogana, “ey cuwîyeyê bê Rayvertîya azade tu wext qebul nêkenê”, eşkera kerd.
ENDAMÊ KOMÎTEYA RAYIRBERE YA PKK’YÎ MURAT KARAYILAN:
“MAHSUM KORKMAZ, TEMSÎLKARÊ XETA ESKERÎ YA RAYVER APOYÎ YO”
Murat Karayilanî bale ante hefteya qehremanîye ser û vat;
35 serîy raver koyê Gabarî de fermandaro pîl Mahsum Korkmaz şehîd kewt.
28’ê Adare roca serageyrayîya şahedeta Fermandar Agîtî ya.
Ez di şexsê Fermandar Agîtî de, heme şehîdanê Kurdistanî bi hurmet û bi minnet bivîrana..
Bi wesîleya serageyrayîya şahadetê Rayheval Agîtî, ez sozê xo giredaye-bîyişê bi şehîdan reyde, dorêka bîne newe kena.
Rayheval Agît temsîlkarê xeta eskerî ya rayver Apoyî bi û hîmê tekoşîna gerîllayanê azadîye, awan kerde.
Gerîlayê azadîye, xeta eskerî ya Rayheval Agîtî sero,tekoşîna azadî ya Rayver Apoyî û şarê kurdî, berz kenê.
