Wekîla Partîya Çep ya Swêd û endama parlamena Ewropa Malîn Bjork derheqê êrîşanê Tirkîya û bikarardişê çekanê kîmyewî de, persnameyeke verkêşê parlamentoya Ewropa kerd.
Persname Komîsyona Temsîlkarê Berz ya Karanê Teber û Siyaseta Ewlekarîye rê ame şirawitiş.
Malîn Bjork di persnameye de ney vatîy:
“Tirkîya 23’ê Nîsane verva Vakûre Iraqe, ke hetê Kurdan ra yena rayirberdene, reyna dest bi têgêrayîşê eskerî kerd.
Di têgêrayîşî ke hama zî dewam keno de, yeno vatişî ke çekanê kîmyewî yenê bikarardene.
Bikarardişê çekanê kîmyewî sûcêke şerr o, hiquqê mîyannetewî binling kenê û zey çekêkê çinêkerdişê girseyî yeno biname kerdene.
Bi goreye medyaya mîyannetewî, sîvîlîy hereme bi sebebê têgêrayîş û êrîşê kîmyewî mecbur mendê ke dewanê xo ra bivecî.
Talukeya merg û dirbetinkerdişê sîvîlan zî esto. ”
Malîn Bjorke ard ziwan ke, ney êrişîy şibyenê îşgalkerîye dewleta tirke ya Surîya de û wina dewam kerd:
“Destûr çinyo ke Tirkîya bi awayoke eskerî bikewê axa Iraqe.
Na yew binlingkerdişê serwerîya Iraqe ya. ”
Malîn Bjork komîsyone rê ney persay:
-Haya Servîsa Karanê Teber ya Ewropa ney raporan ra estê?
-Do Servîsa Karanê Teber ya Ewropa têgêrayîşê eskerî ya Tirkîya û bikarardişê çekanê kîmyewî şermezar bikerê û verva Tirkîya bi awayoke dihetî mîyan Yewîtîya Ewropa de tedbîrî bigerê?
-Servîsa Karanê Teber ya Ewropa bi çi awayî fikrenê ke verva têgêrayîşê eskerî ya Tirkîya ya verva cayanê Kurdistanî ya Iraqe bikeqê mîyan têgêrayîşî?
Verîya nika zî Vervatoxe Karanê Teber ya Partîya Çep ya Swêd Håkan Svenneling derheqê êrîşanê artêşa tirke û bikarardişê çekanê kîmyewî, persnameyeke verkêşê Wezîra Karanê Teber ya Swêd Ann Lînde rê kerbi.
