Seranserê Kurdistan û welatanê cîyayî ya dinya de, kurdistanijî û dostîy seba azadîya fîzîkî ya Rayver Apoyî, têgêrayîşî de yê.
Pawitox Mahmut Şakar ke xeylê serrîy pawitoxê Rayver Apoyî bi, derheqê pergala Îmralî û tesîrê aye de ajansa Mezopotamya rê qisey kerd.
Şakar destnîşan kerd ke, çimeye zilmê verva kurdan û şaran, tecrîdê Îmralî yo û wina vat:
“Otorîterîya rejîmê AKP-MHP, xo bi tecrîdî wey keno.
Di ney wextê ke nêrazîbîyîşê civake berz bi, rejîme seba ke vernîye ro çalakîyanê pilêr bigerê, bi telefonî pêdêyîşêke kilm dano kerdene.
Di esasê xo de, cewhera otorîterîya rejîme zî di ney tarzê kombîyîşî de limute yo.
Heto bîn ra, gerlo çareserî û pêameyîşêke civakî mumkun nîyo? helbet mumkun o.
Naye encax bi vurnayîşê sîyaset û polîtîkaye reyde beno.
Gere nijadperestîye û ziwanê şerrî ra fek veradîyo. Gere na rejîme bêro derbaskerdene.
Heke wina nêbo se, îsrara şerr ya rejîme do persgirayan xorînêr bikerê û çareserîye orte ra wedarê.
Seba şaranê Tirkîye ney rijnayîşî ra xo bixelisno, lazimî bi pêdêyîş û dîyalogê xeta aştî û demokrasîye ser o esto.
Birêz Ocalan seba ke persgirayan, modela çareserî aver vist.
Na modele Rojava de amî pratîzekerdene. Birêz Ocalan rayirêke 3’ine aver vist.
La cevabo ke ame dayene, xorînkerdişê tecrîd û şerr bi.
Maberê tecrîd û doza Kurdî de têkilîyeke pîle est o.
Fek veradayîşê sîyasetê şerrî encax bi peynîardişê pergala tecrîdî mumkun o. ”