Rojnamewanê Ajansa Mezopotamya bi Qemeraya xo Dersîme de dîmenê weşî antîy.
Koyê Sultan Babay,Qezaya Pilure ya Dersîme de yo..
Aşma Gulane Koyê Sultan Babayî de,Gulê binameyê Bukêy Bermenê, anzî binameyo bîne”Gulê bixemîy” sereyê xo berz kenê.
La ney Gulîy pîl benê û sereyê gulan verbi erdîy yenê ware.
Emrê Gulanê Bukê Bermenê 20 rocîyo û badîzî Gulî benê wişkî.
Şarê Dersîme û dormeyanra şinê koyê Sultan Babayî de gulan zîyaret kenê.
Hatîce Aslane Mersîn ra seba Koyê Gulanê Bukêy Bermenê ameya Dersîme..
Hatîce vana, xozaya Dersîmî zaf weş û dewlemenda.
Gere her kes bêro xozaya Dersîme bivîno û wayirê Xozaya Dersîme bivecîyo.
Mehmet Gunduz bi hevalanê xo ra pîya Amede ra ameyo û koyê Sultan Babayî zîyaret keno..
Gunduz vano, ma bi 2 seetîy peyatî amey û ma resayê Koyê Sultan Babayî ser.
Ez reya verîna ke ameya “Gulê Bukanê Bermeneyan zîyaret kena..
Do ez êdî her ser bêra ney koyan zîyaret bikera..
Halîl Îbrahîm Kiliçî zî wina vano:
Ez Rihara seba vînayişê Dersîme ameya îtya.
Xozaya Dersîme zaf weş û rinda..
Gulê Bukê Bermanê êdî verbi wişkbîyişî yê..
Welatê ma de verva xoza bêhurmetîyêka zaf giran esta..
Gere ma xozaya welatê xo bipawe û wayirê xozaya welatê xo bivecîyê.