Kongreya Stare Kongreya xo ya 8’ine Rojawa de rodarvist.
Kongreya Stare encamnameyê Kongreya xo ya 8’ine raya pêroyîrê eşkera kerd..
Kongreya Stare bi şîara tekoşîna Hevrînan û Zehrayan kongreya xo ya 8’ine rodarvist.
300 Delegeyê Cenîy,Kantonanê Minbic, Heleb,Dêrazore,Şam û Reqa ra amey û tewrê Kongreya Stare bîy.
Delegeyan Kongre de,Raporê sere ya Kongreya Stare qebul û tastîq kerd.. Delegeyanê Kongre 7 Cenîy semedê koordînasyona Kongreya Stare vicînay.
Reyna Kongre de ney qerarî amey girewtişîy;
1- Kongereya Stare azadîya Rayverê Şarê Kurdî Abdullah Ocalanî zey xeta tekoşîne qebul kena..
2- Kongreya Stare qetlîamê verva Sivîlanê Rojawa do bi kirişno mehkemeya mîyanetewîyan.
3-Kongreya Stare xeta tekoşîna xo de Jîneolojî esas gêna û bi ney metodanan tekoşîn û xoverderîya azadîya Cenîyan berz kena..
4-Kongre ya Stare komnîteya çalakîyan awankena û heme çalakîyan binê însîyatîfê komîteyî de kom kena..
5-Kongreya Stare verva şerê taybetî û sîyasetê qirkeridşîy xeta xopawitişî esas gêna..
Reyna Kongreya Stare,Kongreya xo de derheqê Perwerdeyî,Sîyasîy,Aborî,Dîplomasî,Çand û Hunerî de zî bi desan qerarê muhîmî girewtîy.
Kongre de ame destnîşankedişî ke Cenîyê Kongreya Stare,xeta tekoşîna xo de azadîya Cenîyan esas gênê û yewîtîya cenîyan welat û hemeyê dînya de pawenê û aver benê..
-Partîyanê sîyasîyan ê cinîyan reyde esasê xeta hîreyîne ser o têkilîyî bêrê xurtkerdene.