Komkiştişê Roboskî.
34 welatijîy bi teyyaranê lej ey artêşa dewleta tirk ya îşgalkere ra amey qetilkerdiş.
Tam 9 serrî vîyartê.
La belê dejê ci, hema zî dewam keno.
Na komkiştiş fermana kam ra pêk amey, senî pêk amey û di peynî de se bi?
Ma dosyaya xo de tamaşe bikerê.
Tiyaranê lej êy artêşa dewleta tirk şewa 28’ê kanûna 2011 de, dewijê Roboskî bombevaran kerdîy.
Bi bombeveranî de, herêm açariya zey cayê cenazeyan.
Encame bombevaranî de, zafê înan doman, 34 kesan cuwîyeye xo kerd vinî.
Servet Encu yê bombekerdin ra weş xelisiya, xo resna dew û na ser komkişten ame eşnawitiş.
Vatişanê Servet Encu ser, dewijê şî cayê êrîşî, rastê komkişten amey.
Herêm zey cayê cenazeyan bi.
Leteyê cenazeyê dewijan vilayê çoşmey bîbî.
Zafê cenazeyan bi sebebê bombeyan perçe bîbî.
Xeylê cenazey jî, veşiyaybî.
Dewijê ke xo resnabi taldeyê keran, wêra jî bîbî hedef û cuwîyeye xo kerdbi vinî.
Hukumetê AKP deqeyê siftayin ra tepiya, seba ke komkiştişî bilimno, kewt miyanê hereketî.
La belê medyaya kurd, na xebatê AKP pûç vetî.
O çax vernî de DÎHA, ROJ TV û ANF bi eşnawitişî komkiştişî, dest bi weşanê taybet kerd.
Weçînayox û rayveranê BDP, verê xo da cayê komkişten.
Çapemeniya kurd bi weşanê taybet, hewldanê qilêrîn ey AKP pûç vetî û komkişten deşîfre kerd.
AKP û medyaya tirk bi saetan bêveng mendî.
La belê çapemeniya dinya jî, xeberanê çapemeniya kurd ser, dest bi dayîşê xeberanê komkiştişî kerd.
Nay ser, medyaya tirk dest bi dayîşê xeberan kerd.
La belê na dore zî, xeberê rastîn nê, xeberanê manîpulekerdişî weşînay.
Serokwezîrê tirk ê wextê komkiştişî Tayîp Erdogan o çax 2 rojî bêveng mend.
Badê 2 rojan qisey kerd û fermandaro ke fermanê komkiştişî da pîroz kerd.
Erdogan medya ra wast ki, vêşî komkişten sero mevindirê û zey çiyê werdî bivînê.
Medya û saziyê tirk zî wina kerd û zey waşteka Erdogan hereket kerd.
La belê çapemeniya kurd û azad, heme hetan ra komkiştişî vist çiman ver.
Nay ser jî, AKP hewl da bi dayinê pereyan, hewl da malbatê qurbanê komkiştişî bêveng bikiro.
La belê malbatîy zî ena gama AKP pûç veti.
Quwetê AKP nay ser zî, qandê dewijanê Roboskî bitarsaynê, tim miryanê qurbanan hedef girotî.
Tim û tim çekena Roboskê ser, welatijan kena binçim.
Hukumetê AKP enê kerdenanê xo hama zî domneno.
La belê şarê Roboskê peyser gaman nêerzeno.
Her rojo panjşeme mezelanê xo, domananê xo sero yenê pêser û sozê perskerdinê hesabî danê.
