Koordînasîyona Komalê Cînîyanê Kurdistanî KJK, bi wesîleya dekewtişê serra 2021’ine eşkerayîyêke bi raya pêroyî reyde barre kerde.
KJK di eşkerayîya xo de vat;
“Verva êrîşanê îşgalkerîye êy dewleta tirke ke bi ferasetê DAÎŞ’î yenê pêkardiş û binkeya krîz û kaosanê Rochelatê Mîyanênî ya, ma tekoşîna hembarre, berz bikerê.”
KOMALÊ CÎNÎYANÊ KURDISTANÎ KJK:
DO SE SERRA 21’INE BIDO SESERRA AZADÎYA CÎNÎYAN
Koordînasîyona Komalêy Cînîyanê Kurdistanî KJK, bi wesîleya dekwetişê serra newîye, eşkerayîyêke da.
Eşkerayîya KJK wina ya;
Ma serdemêkê ke, krîz û kaosê tewir giranî êy tarîxê merdimayîye de yenê cuwîyayişî ra, derbas benê.
Dewlet û îqtîdarîy, seba ke civatî bi temamî teslîm bigerê, mudaxeleyê her kêlîya cuwîyeyê kesan kenê. Pergala Modernîteya Kapîtalîste, bi tu awayî nêşikena persgrianyanê civatî û cînîyan, çareser bikera. Çimkî na pergale bi ferasetê camêrdaneyî ya û bixo sebebê nêy persgirayan a. Dewlete û îqtîdaran ra çareserîya persgirayan hîvîkerdiş, celladê xo ra hetkarîye hîvîkerdiş o.
KOMALÊ CÎNÎYANÊ KURDISTANÎ KJK:
RAYIRA AZADÎYA CÎNÎYAN Û ŞARAN PARADÎGMAYA RAYVER APOYÎ YA
Eşkerayî wina dewam kena;
Kurdistan, di navenda kaos û krîzanê şerrê Cîhanî yê 3’ine de yo. Heme persgiray di Rochelato Mîyanên de, di Kurdistan de zî tekoşîna cînîye de yenê cuwîyayiş. Vindertişê Rayver Apoyî yê zîndanê Îmralî, vindertişê xoverdêrîyêka tarîxî yo. No vindertişo tarîxî, tenê seba şarê Kurdî nê, seba cînîyan, şaranê Rochelatê Mîyanênî û heme merdimayîye yo. Paradîgmaya bi ferasetê azadîya cînî, demokratîk û ekolojîke ya Rayver Apoyî, seba heme merdimayîye, yewîn rayira xelesîyayişî ya.
KOMALÊ CÎNÎYANÊ KURDISTANÎ KJK:
HEFTANÎN DE VERVA ÎŞGALKERÎYE XOVERDÊRÎYÊKA TARÎXÎ AMÎ NÎŞANDAYENE
Serra 2020’ine seba cînîyan bi tekoşîne derbas bî. Cînîyanê kurdan, serra 2020’ine de seranserê Kurdistanî, Ewropa û dinya de bi tekoşîna xo mohrê xo ro rojdeme da. Reyna di serra 2020’ine, Hefftanîne de verva êrîşanê îşgalkerîye bedêlêy pîlîy amey dayene. Kadroyanê verkêşan êy hereketê ma Leyla Agirî, Zîn, Aryana, Esmer, Sema Koçer û Doga reyde xeylê rayhevalêy ma şehîd kewtîy.
Eşkerayîya KJK wina bi peynî bena;
Verva dewleta tirke ya îşgalkere Vakûr, Vaşûr û Rojavayî de xoverdêrîyêka destanî amî nîşandayiş. Bi no sebeb ma serra 2021’ine bi rihêko pîl yê xoverdêrîye verwazî kenê. Seserra 21’ine do biba, seserra azadîya cînîye. Verkêşîya na tekoşîne, do bi riho fedayî û azad yê cînîyanê kurdan û heme cînîyanê dinya bêro pêkardene.
Nêy esasan sero, ma serra 2021’ine di serre de ro Rayver Apoyî ro heme cînîyan û şaranê xo firaz kenê û vengdanê tekoşîna azadîye ya hembarre, ro heme cînîyanê dinya kenê .
