Hemserokatîya Konseya Rayirberî ya KCKyî bi wesîleya serrageyrayîya wefatê Mam Celal Talebanîyî mesajêke da.
Hemserorakîya KCK mesacê xo de dorêka bîne bale ante rol û mîsyonê Mam Celalî ser û ye bi minnet û bi hurmet yad kerd..
Hemserokatîya Konseya Rayirberî ya KCKyî bi wesîleya serageyrayîya wefatê Sekreterê Pêroyî yê YNKyî Celal Talebanîyî mesajê weşêna.
Eşkerayîya KCKyî wina ya:
”Ma serrageyrayîya hîrine ya wefetê Rayver Mam Celal Talebanî de reyna şarê Kurdîstanî û keyeyê ci rê serweşîye wazenê.
Mam Celal Talebanî şexsêko rayver û rolêko baş semedê şarê kurdî kaykerd.Destpêkî ra heta peyêne Mam Celal tim verva bêbextîye de vindert û xeta xoverdayîş, newebîyayîş, vurnayiş û sîyasetê aşîtî û demokrasîyî aver berde.
Mam Celal têna Vaşûrê Kurdîstanî de nê pêro parçeyanê Kurdîstanî de wayîrê rol û tesîranê pîlan bi.
Mam Celalî tim semedê azadîya Kurdîstane xîret û xebat kerd. Destpêkê awanbîyişê PKKyî ra heta nika Mam Celalî bi hawayêkê stratejîk û muhîmîya xebata Vakurê Kurdîstanî seyr kerde.
Bi vatişê xo yo ‘Vakur Misrê Kurdîstanî yo’bi ney tespîtê xo çareserîya meseleya kurdan ya Vakurî eşkera kerd.
Hemserokatîya Konseya Rayirberîya KCK bi ney vatişan peynî ro eşkerayîya xo ard.
Ma do qet xo vîrî ra nêkerê ke Mam Celal wexto ke nêweş bibi zî semedê azadîya Rayver Apoyî tewrê amadekarîya bi.
Heyf bi ke Mam Celal wextêko ke hewceîya Kurdan zafîrê bi yê bîy yê Cuwîyeya xi vinî kerd.
Ma bi umudê û hêvîdarê ke vîrameyîşê Mam Celalî semedê Şarê Kurdîstanî biba sebebê xurtkerdişê yewîya neteweyîye.
Ma reyna keye û şarê welatperwerî yê Kurdîstanî rê serweşîye wazenê.